Lubhalwe nguSbongile Nonyana
Uzinikele owesilisa obefunwe amaphoyisa ase-Limpopo mayelana necala lokubulala iphoyisa lesifazane ngempelasonto edlule. Umsolwa ubikele amaphoyisa ase-Klipgat e-North West ngoLwesine, ngomhlaka-30 kuMasingana.
Umsolwa, (43), ubethungathwa ngecala lokubulala uSayitsheni Leah Mosalofi Malebye, (47).
Isidumbu sikaSayitsheni Malebye sitholwe ngumzukulu wakhe oneminyaka eyisithupha ngeSonto, mhlaka-26 kuMasingana, emuva kokuba ebuyele ekhaya nesoka lakhe ngayizolo ebusuku.
Ukuzinikela komsolwa kuza ngemuva kokuthi uphenyo lwamaphoyisa elandele umkhondo wakhe ngemuva kwesigameko sokubulawa ngesihluku kukasayitsheni.
Imbangela yalokhu kubulala ayikaziwa, nakuba kusolwa udlame lwasekhaya.
UKhomishana wamaPhoyisa e-Limpopo, uLieutenant General Thembi Hadebe, ukwamukele ukuboshwa komsolwa.
“Kuyangijabulisa ukuthi kungakapheli zinsuku ezimbalwa kubulawe iphoyisa ngokungenangqondo, amaphoyisa asukume ngokushesha akwazi ukubopha lesi sigebengu,” kusho uHadebe.
Uzwakalise ukuzethemba ukuthi ithimba eliphenyayo lizokwethula icala eliqinile enkantolo ukuze liqinisekise ukuthi umsolwa uthola isigwebo esinzima ngesenzo sakhe esingenangqondo.
Inkonzo yesikhumbuzo neyomngcwabo kaSayitsheni Malebye ongasekho izomenyezelwa ngokuhamba kwesikhathi.
Osesithombeni esingenhla: Usayitsheni uLeah Mosalofi Malebye.
Umthombo: Amaphoyisa ase-Limpopo