UZingah uhleli esicongweni nge-Sessions at The Crib

I- Sessions at The Crib ihleli kamnandi endaweni yokuqala ku-Apple music.

Le-albhamu yesibili kaZingah, ogama lakhe langempela nguSithembiso Simelane, ihamba phambili ngezingoma ezenziwa ngesikhathi somvalelo.

I-Sessions at The Crib iqukethe abaculi abadumile embonini ye-SA Hip Hop okubalwa kuyo u-AKA ‘ku-Crucial’, uEmtee, uYoungstaCPT kanye noK.O ‘ku-Lead the way’.

Lesi sihlabani sase-Newcastle sisezindebeni zabathandi bomculo we-Hip Hop ngemuva kokudlula i-albhamu entsha ka-AKA  i-Bhovamania – eyayilindelwe kakhulu izihlabane eziningi kule mboni.

UZingah uqale umsebenzi wakhe womculo kowezi-2011 ohlelweni lwe-YFM lwe-Siz ‘n Scoop rap freestyle. I-albhamu yakhe entsha inabaculi uAmanda Black, uKyl noThabsie.