Uyiphoyisa emini, ebusuku ungumculi wezingoma zokholo

Everson Luhanga

Umphenyi osebenzela oKlebe u-Esther Makgamatha usebenze emacaleni asezingeni eliphakeme wabopha izigebengu eziningi – kubalwa nalabo ababengabalingani bakhe.

Phakathi kwezinto eziningi azizuzile ukuboshwa kwamaphoyisa ayi-17 esikhumulweni sezindiza i-OR Tambo lapho okwakushushumbiswa isidakamizwa khona.

Kepha u-Esther wase-Soshanguve e-Tshwane ungaphezu kwephoyisa elisebenza kanzima.

Uphinde abe ngumculi wezokholo owine izindondo.

“Ngisebenzela inhloso kaNkulunkulu. Isikhali sempilo yami akusona isibhamu kuphela. Ngisebenzisa neBhayibheli nezwi lami,” uyasho.

“Ngisindisa abantu ezigebengwini ngokuphenya amacala nokubopha abenzi bobubi futhi ngisindisa nemiphefumulo ngokuphulukisa nangamaculo ami.”

Waziwa ngabalandeli bakhe njengoPebetsi, u-Esther uthe umklomelo wakhe wokuqala wawuthola ngesikhathi othisha bakhe bamabanga aphakeme bemklomelisa ngokuba ngumculi ohamba phambili ekhwayeni yase-assembly.

“Kusukela lapho, ngabona ukuthi nginethalente futhi ngaphiwa,” uyasho.

UPebetsi uthe uqede izifundo zakhe zesikole nezamaphoyisa ngaphambi kokuvuselela ikhono lakhe lomculo ngokukhipha i-albhamu yakhe, i-Kabelo yaka ngowezi-2006.

“I-SABC yangithwebula ividiyo yomculo futhi yadlalwa okuningi okuyilapho eyathola ukuziveza okukhulu.”

UPebetsi ukhiphe i-albhamu yakhe yesibili ethi-Re a lwana (“sisempini”) ngowezi-2008.

“Ingoba yami yaleso sihloko yingoma yami engihamba phambili ngayo. Abantu abadeli ukuyilalela,” uyasho.

I-albhamu yakhe yesithathu ethi-Through it all, ekhishwe ngowezi-2018, yavela ngemuva kwesahlukaniso esibuhlungu.

Le albhamu iqokwe emikhakheni emithathu emiklomelweni Ingoma yomculi wesifazane ovelele, iculo lonyaka ne-albhamu ehamba phambili.

UPebetsi uzobe ese situdiyo ukuqopha i-albhamu yakhe yesine ngoMbasa.

Umama wezingane ezimbili ukholelwa ekutheni ukuba yiphoyisa eliphenya amacala ubizo lwakhe.

“Ngiyakuthanda ukuba yiphoyisa. Ngiletha ukuthula ngokususa izigebengu emphakathini,” uyasho.

“Ngithanda nokufaka ithemba, ukholo, ukwelapha nokuthula ngomculo wami.”