Lubhalwe nguThathe Msimango
Umdlali wesifazane oshaya i-bat kuma-Proteas uTrish Chetty umemezele ukuthi uyayeka ukudlala ikhilikithi ekhokhelwayo ngesonto eledlule ngenxa yokulimala emhlane izikhathi eziningi.
Lo mdlali oneminyaka engu-34 ubudala wenze umsebenzi oncomekayo kuma-Proteas Women iminyaka engu-16 ngemuva kokungena kuwo okokuqala eneminyaka engu-18.
Ekhuluma engxoxweni ekhethekile ne-Scrolla.Africa, uChetty uthe kunzima kakhulu njengoba kumele athathe umhlalaphansi ekubeni inhliziyo yakhe isazimisele ngokudlala lo mdlalo.
“Kubanzima kakhulu uma ukulimala kukuphoqa ukuthi uyeke ukudlala umdlalo owuthandayo nozinikele kuwo,” kusho uChetty ophuke inhliziyo.
“Ithimba lami lodokotela lizame konke elingakwenza ukuze ngiphinde ngidlale, kodwa ezinyangeni ezimbalwa ezedlule ngiye ngakwamukela ukuthi umzimba wami awukwazi ukuqhubeka nokudlala.” Ukudlala kwakhe isikhathi eside emdlalweni kwakuqhutshwa intshiseko nokufeza iphupho leqembu lakhe.
“Ngithanda ukudlala ikhilikithi nokuba yingxenye yeqembu. Ukuba senkundleni nozakwethu ikhona okwenza kuhlezi kuwumdlalo okukhethekile. Futhi-ke, kube umdlalo ohloniphekile kakhulu kanti ngiyaziqhenya ngokumela izwe lami.”
UChetty wenze umsebenzi omuhle wamazwe ngamazwe ngokudlala imidlalo engu-138 emdlalweni wekhilikithi obizwa nge-One-Day International (ODI), okuhambisana nokuvela emdlalweni ye-T20 International (T20I) engu-82 kanye nemidlalo emibili yama-test caps.
Uphumelele ngokushaya ama-run ama-ODI angu-2,703, okuhlanganisa nama-half-centuries angu-16 kanye namaphuzu angu-95 bedlala ne-Ireland ngo-2016.
Emdlalweni we-T20 format, uChetty uqophe ama-runs angu-1,117 ne-strike rate esingu-88.09, kuhlanganisa no-5 abangu-50.
“Ngicabanga ukuthi ukudlala ezingeni lomhlaba iminyaka engu-16 kuyimpumelelo yami enkulu. Ngiyaziqhenya ngakho konke engikufezile, kodwa ngiziqhenya kakhulu ngokufezwe iqembu.”
“Ngicabanga ukuthi sisize kakhulu ukukhuphula izinga lekhilikithi yabesifazane bakuleli nokuvulela isizukulwane esilandelayo indlela.”
UChetty uthi ikusasa lekhilikithi yabesifazane liqhakazile inqobo nje uma bethola uxhaso olwanele kubaxhasi futhi intuthuko iqhubeka.
“Nakanjani sikubonile ushintsho ezingeni lekhilikithi yabesifazane muva nje futhi ngicabanga ukuthi iNdebe Yomhlaba ikhombisile lokhu. Yebo kuhlale kukhona ukuthuthukiswa okufanele kwenziwe.”
“Ngiyethemba ukuthi abaxhasi bazobona ukuthi ikhilikithi yabesifazane yinto okumele bayisekele.”
Isithombe esingenhla: UTrish Chetty
Umthombo wesithombe: Twitter