Lubhalwe nguNadine Theron
Inkampani yakwa-Johnson & Johnson imemezele ukuthi u-powder wabo ongundabuzekwayo nongase ubangele umdlavuza, uzohlala emashalofini ezitolo zakuleli kuze kuphele isitoko sonke.
Lokhu kuza ngemuva kwesimemezelo sangonyaka odlule sokuthi ufulawa uzongena esikhundleni se-talcum, isithako esixabanisayo emhlabeni wonke ngo-2023.
I-J&J ngoLwesibili ihlongoze ukukhokhwa kwezigidigidi ezingu- $8.9 ukuze kulungiswe amacala angaphezu kuka-60,000 alethwe eMelika nase-Canada. I-talcum powder kusolwa ukuthi iqukethe i-asbestos futhi ingabangela abasebenzisi ukuthi babe nomdlavuza wesibeletho.
Ngo-2018 kuphela, bangu-3,394 abesifazane bakuleli ababulawa yilesi sifo. Izinga lokushona lenyuke ngaphezu kuka-50% kule minyaka eyishumi edlule.
Inkampani yamisa ukuthengiswa komkhiqizo eMelika ngo-2020, njengoba amacala eqhubeka.
I-J & J’s baby powder yaqala ukuthengiswa kusukela ngo-1894. Uphenyo olunzulu olwenziwa ngabakwaReuters luveze ukuthi inkampani ibiyazi yonke le minyaka engaphezu kwengu-50 ukuthi u-powder uqukethe i-asbestos isithako esiyingozi.
Akekho noyedwa kubadayisi abakhulu kuleli omemezele ngokusemthethweni ukuthi uzoyikhipha yini i-J&J ekuhoxisweni komkhiqizo nokuthi kuzokwenzekani ngalo-powder ongadayiswa.
Okungenzeka wukuthi uzogcina utholakala ezitolo ezincane iziphaza lapho izodayiselwa abathengi abangaqaphile, iningi labo elingenayo i-medical aid okungenzeka ukuthi alibazi ubungozi balo-powder.
Lokhu kusho ukuthi lo-powder usazohlala ukhona yonke le iminyaka eminingi ezayo njengoba ungeke udayiswe.
I-J&J ayikwazi ukusho ukuthi zingaki iziqukathi zo-powder wezingane osatholakala kuleli, noma ukuthi bahlela ukumisa nini ukukhiqizwa kwawo.
Abathengisi bayaqhubeka nokuletha lo mkhiqizo.
Inkampani ayiwavumi amaphutha futhi ithi iphakamisa isinxephezelo ngoba amacala adonse isikhathi eside angabiza kakhulu, ngaphandle kokubheka umphumela.
Ithe esitatimendeni: “I-Johnson’s Baby Powder iphephile, ayinayo i-asbestos futhi ayibangeli umdlavuza.”
Ngokwezibalo zakuleli isibalo sabantu ababulawa umdlavuza kuleli sinyuke ngo-30% phakathi kuka-2008 no-2019. Kulesi sikhathi, baningi abesifazane ababulawa yilesi sifo kunabesilisa.
Isithombe ngenhla: U-powder wezingane wakwa-Johnson & Johnson
Umthombo: Twitter