Lubhalwe nguDylan Bettencourt
ULeanne uthi akazi ukuthi angaphila kanjani ngaphandle komyeni wakhe futhi uthembisa ukuthi bazophinde babe ndawonye ngelinye ilanga.
Amavidiyo akhe athinta inhliziyo abukwe abantu abangaphezu kwesigidi abathumela uthando futhi bafuna ubulungiswa emndenini.
“Ngizoqhubeka kanjani ngingaphinde ngikubone?”
Lona umbuzo obuhlungu uLeanne van der Merwe awubuzayo ngemuva kokulahlekelwa umyeni wakhe uMarius ngoLwesihlanu.
Wabelane ngobuhlungu abuzwayo nabantu exoxela umhlaba ngobuhlungu bakhe.
Kumavidiyo lapho ekhuluma khona egcwele izinyembezi afakwe kuTikTok, uLeanne ukhuluma ngqo nendoda amlahlekele. Ukhumbule izikhathi zokuphila kwabo ndawonye kanye nezikhathi ezijabulisayo abazichithe njengomndeni.
“Ngiyohlezi ngikuthanda njalo,” ebhala kwi post yakhe.
Amavidiyo abonisa umndeni odabukile enhlizweni. Isiqeshana esisodwa sesibukwe izikhathi ezingaphezu kwesigidi.
Okubuhlungu ukuthi uLeanne uzama ukucabanga ikusasa eyedwa.
Angazi ukuthi ngingaba yini ngaphandle kwakho,” ebhala. “Kunento ethile ezulwini ingitshela ukuthi sizoba ndawonye futhi.”
Amazwi akhe athinte izinkulungwane zabantu. Abantu bathumela imiyalezo yokweseka futhi bafuna ubulungiswa kuMarius.
Ubulawelwe emzini wabo ngesikhathi evula isango. ULeanne nezingane zabo ezimbili babelapho ngesikhathi kwenzeka.
UMarius wayengufakazi oyinhloko owaziwa ngokuthi “uFakazi D”. Ubefakaza ngenkohlakalo nokubulala okuthinta amaphoyisa aphezulu.
Amaphoyisa athi asebenza ngokushesha ukuthola abantu abenze lokhu emndenini kaLeanne.
UKhomishana uGeneral Fannie Masemola uthe abasolwa abathathu sebehlonziwe. Kumanje oyedwa uyabuzwa kanti kutholwe imoto abaleke ngayo e-Alexandra.
Kodwa kuLeanne, ukuboshwa ngeke kumbuyise umyeni amkhumbula kangaka.
Osesithombeni esingenhla: UMarius van der Merwe.
Umthombo wesithombe: @JesseFJacobs