Toby Shapshak
Ngokombiko wekhomishini yokulawulwa kombuso, inkampani yakwa-Transnet iyona ehluba udlubhu ekhasini embikweni wokulawulwa kombuso, ngokusho komphathi wamajaji uRaymond Zondo, okwenza u-72.2% wazo zonke izinkontileka ezingcolile.
UZondo ubhale engxenyeni yesibili yombiko wakhe awukhiphe ngoLwesibili ukuthi kusukela ngo-2009 kuya ku-2018, ubufakazi buqinisekisa ukuthi kwab nokugwamandwa kombuso okwenzeka kwa-Transnet.
“Lokhu kufezwe ikakhulukazi ngabakwaGupta nabasebenzisana nabo benza umkhuba wokuqola,” kusho uZondo.
Ngokombiko, ilinganiselwa ku-R41.2 billion inkontileka yakwa-Transnet ebandakanya abakwaGupta noLieutenant Salim Essa.
“Abaqoli bokuqala” bokulawulwa kombuso kwakungabaphathi abakhulu bakwa-Transnet uBrian Molefe kanye noSiyabonga Gama kanye nalowo owayeyisikhulu esiphezulu sezezimali u-Anoj Singh.
Esinye sezimo ezimbi kakhulu ukwenyuka kwamandla emali kwinani lezitimela ezingu-1,064 ezenziwa e-China lisuka ku-R38-billion liya ku-R54-billion.
UZondo uthe kunobufakazi bokuthi uMolefe, uSingh kanye noGama bathola izimali zokubolekwa inkampani yakwaGupta,” kanye “nokukhokhwa kwemali” ezinkampanini za-Essa. Uma kubhekwa lokhu, uZondo uthe, kunezizathu ezizwakalayo zokukholelwa ukuthi uMolefe, uSingh, uGama no-Essa, kanye nabanye, bathole “injabulo yenkohlakalo”.
UZondo ukhiphe umbono wokuthi konke kumele kuphenywe futhi kuvulwe.
Inkulumo kaMengameli wangaphambilini uJacob Zuma yokuthi kungani kukhethwe uGama ogcwele inkohlakalo kunokuba kukhethwe uSipho Maseko esikhundleni sokuba i-CEO yakwa-Transnet kwakumele inqatshwe njengento engelona iqiniso.
“Isizathu esenze uMnu uMaseko angaqokwa ukuthi uMnu uZuma ubengeke avume ukuthi lolu daba luyiswe kwiKhabhinethi ngoba wathi uyena yedwa uGama okumele akhethwe.
Kodwa njengoba esho uZondo: “UMnu uZuma wabaleka kwiKhomishini ngaphambi kokuthi acelwe ukuthi achaze ngalokhu. Ngakho-ke, ayikho incazelo yokuthi kungani uMnu uMaseko engaqokwanga.” Kusho uZondo.
.
