UThabane akafuni ukwehla esikhundleni

UTom Thabane, uNdunankulu waseLesotho osolwa ngokubulala, uyanqaba ukwehla esikhundleni.

Losopolitiki oneminyaka engama-80 wamemezela ukuthi uzokwehla esikhundleni ngoLwesithathu mhla ziyi-13 kuNhlaba.

ULwesithathu lufike lwaze lwadlula, kepha uThabane akakehli esikhundleni.

Unkosikazi wesibili kaThabane ubhekene necala lokubulala unkosikazi wakhe wokuqala. Naye ngokwakhe uyathinteka ekubulaweni kukankosikazi wakhe, kanti futhi uThabane uthi usakufanele ukuba ehhovisi lakhe lokusebenza. Lokhu sekudale inhlekelele enkulu kwezepolitiki eLesotho, ngaphandle kokuphela.

Ngokusho kwabezindaba i-News24, ummeli jikelele waseLesotho umeluleke ngokuthi angeke aphoqeleke ukuthi ehle esikhundleni sakhe ngokusemthethweni. Ngakho-ke uThabane washintsha umqondo wakhe, wenza umfelandawonye omusha ePhalamende futhi uhlose ukuhlala emandleni, nokuphuma ejele.