Lubhalwe nguRorisang Modiba
Umlingisikazi uTebogo Thobejane uthi amadoda ayasaba ukuthandana naye ngemuva kokudutshulwa emgwaqeni onguthelawayeka u-N1 eGoli ngo-2023.
Lo mlingisi owake wadlala kuMuvhango uthi ukuzethemba kwakhe kuphelile ngendlela abantu abamphatha ngayo kusukela esigamekweni esimlimazile sakhubaza umngani wakhe.
UTebogo Thobejane uthi amadoda abelokhu embalekela kusukela asinda esigamekweni esacishe sambulala ngo-2023.
Lo owayeyisihlabani soMuvhango wadutshulwe emgwaqeni onguthelawayeka u-N1 eGoli esigamekweni okukholakala ukuthi ngesokuzama ukumbulala esihlobene nowayeyisoka lakhe, uVusimuzi “Cat” Matlala.
UTebogo walimala onyaweni, kanti umngane wakhe wasala ekhubazekile. Kamuva wathuthela e-Dubai ukuze aphephe ngaphambi kokubuyela eNingizimu Afrika.
Ekhuluma ohlelweni lwe-Instagram Live, uTebogo uthe ubuhlungu bokuhlaselwa kwakhe busamthinta.
“Abantu besilisa benza sengathi banesivindi, kodwa akunjalo,” kusho yena. “Akekho umuntu ozothi, ‘Ungakhathazeki, ngizokunakekela ngisho noma othile efuna ukukudubula.”
Uthe ngaphambi kokuthi adutshulwe amadoda abekhombisa ukumthakasela kalula kodwa manje awasamnaki ngoba indaba yakhe igcwele i-internet.
“Ubungena egunjini eligcwele amadoda angathandana nawe noma akushade ekuthandasele kodwa manje ayambalekela,” kusho yena. “Bayabona ukuthi ngidutshuliwe noma ngibizwa ngempimpi, babaleke.”
UTebogo uthe ngisho osomabhizinisi nosopolitiki abanamandla bayakugwema ukubonakala benaye.
“Akukhona nje ukuphulukiswa ekudutshulweni,” kusho yena. “Kumayelana nendlela abantu abangiphatha ngayo ngendlela ehlukile manje.”
Osesithombeni esingenhla: UTebogo Thobejane.
Umthombo wesithombe: Ifayela