Usubuyile uzime wabaphila nebala elimhlophe

Sizwe Sibiya

Emuva kokusingatha uMiss Albinism waseNingizimi Afrika wokuqala ngqa ngonyaka odlule, umsunguli womncintiswano uGodfrey Mphatswe umema onobuhle abaphila nebala elimhlophe ukuthi bangenele umncintiswano wesibili waminyaka yonke.

I-Godfrey Mphatswe Foundation iqophe umlando ngonyaka odlule, ngokuthwesa umqhele wokuqala ngqa uMr noMiss Albinism eNingizimu Afrika:  okwaba nguLerato Sethibe wase-Free State, kanye noBrain Makhubela wase-Mpumalanga emcimbini owawubukhazikhazi owawuhlelwe e-Victory Theatre e-Houghton, eGoli.

USethibe noMakhubela bazoba ngamajaji omqhudelwano walo nyaka.

UMphatswe, owaphinde wabizwa ngoMr International Africa 2020 ngabagqugquzeli bomcimbi kaMr Nigeria International, utshele i-Scrolla.Africa ukuthi umcimbi walo nyaka uzobe umkhulu futhi ungcono njengoba ehlele ukusingatha isiqephu sesibili sikaMiss Albinism eKapa.

“Kulo nyaka sizosebenzisana ne-Isango Elihle inhlangano yaseKapa eyeseka.   abane-albinism, futhi sizosebenzisana  senze isiqiniseko sokuthi umncintiswano uya eKapa,” kusho uMphatswe.

Ophumelele kowamanqamu ka-Mr SA 2016 ucela uxhaso ezinkampanini nakubantu kanye nasezweni lonke ukuze basize ekwenzeni lo mqhudelwano ube impumelelo enkulu.

“Lo umqhudelwano kazwelonke ngakho-ke sihlela ukuzungeza iNingizimu Afrika yonke. Sicela uxhaso eNingizimu Afrika yonke ukuze kube impumelelo esikwenzayo,” kuchaza owaphumelela ngonyaka ka-2016.

“Ukungenela umncintiswano sekuvuliwe futhi kuzovalwa ngomhlaka-30 kuMbasa kuzwelonke kanti imininingwane eyengeziwe izomenyezelwa ngokuhamba kwesikhathi kule nyanga.”

Izihloko zakamuva