Sizwe Sibiya
Ngesikhathi esashutha i-Living The Dream With Somizi futhi elwa nomyeni wakhe uMohale Motaung enkantolo ukuze baxazulule isehlukaniso, uSomizi Mhlongo ukwazile ukwenza olunye uhlelo olubizwa ngokuthi i-Lovey Dovey.
Kuyamangaza ukuthi ngesikhathi esifanayo ubezilungiselela ukuba yijaji lesizini yesi-18 kuma-Idols SA .
USomizi, ozobe ehlanganisa iminyaka engu-50 ngoZibandlela walonyaka, uzophatha uhlelo olusha.
I-Lovey Dovey izokhonjiswa okokuqala esiteshini saku-DStv i-Moja Love ngoMgqibelo ngo-9 ebusuku nomlingisi onekhono ophinde abe ngumethuli wezinhlelo uGabisile Tshabalala.
Ngokusho kwamazwibela ka-Moja Love alolu hlelo, iqoqo labantu abangathandani namuntu lizohlangana lihlale ngaphansi kophahla olulodwa “e-Lovey Dovey House” lapho lizothola khona “uthando lwangempela”.
Abaphumelele ekupheleni kwalolu hlelo lokuqomana bazophuma endlini nemali engu-R500 000 kanye nomshado wamaphupho abo.
UTshabalala akayena umafikizolo kwi-reality TV futhi useke waphatha izinhlelo eziningi, okubalwa kuzo i-Throwback Thursday noSkhumbuzo Hlophe.
Khonamanjalo, ngemuva kokumiswa kuma-Idols SA ngonyaka odlule, kulandela izinsolo zokuhlukumeza zikaMohale, uSomizi ukhuza ibuya emqhudelwaneni wokucula kanti uzobe ehambisana namajaji amasha uJR Bogopa kanye noThembi Seete ngoNtulikazi ngo-2022.
Umthombo wesithombe: @MojaLove