Marion Edmunds noLiubor Abravitova
Inxusa lase-Ukraine eNingizimu Afrika, uLiubov Abravitova, lithi iningi labantu limshayele izingcingo licela ukusiza izwe lakhe ngemuva kokuba inombolo yakhe yocingo ifakwe ku-Facebook ngaphandle kolwazi lwakhe.
“Ngicabanga ukuthi akekho noyedwa waseNingizimu Afrika ongayazi inombolo yami yomakhalekhukhwini ngakho-ke ngizibamba zonke izingcingo, kube sengathi kukhona obaluleke kakhulu ofuna ukukhuluma nami,” etshela izintatheli.
Osopolitiki namalungu aseKapa e-Press Club ngoLwesihlanu, banxuse ukusekela izwe lakhe elibhekene nodlame lwase-Russia.
Uthe izingcingo beziqhamuka ezindaweni ezikude njengase-Madagascar nase-Mauritius.
“I-Zambia, i-Zimbabwe, i-Namibia, i-Botswana bayafona bebuza ukuthi bangasiza kanjani. Kwesinye isikhathi ngithola izingcingo ocingweni lwami ngoba zonke izizindalwembu zethu, kanye namameyili ethu, i-Facebook, no-Twitter kuyaphazamiseka ngaso sonke isikhathi.”
Kodwa-ke u-Abravitova uzichithile izinsolo zokuthi ihhovisi lenxusa limatasa liqasha onogada e-Afrika, wathi sebekhulume nohulumeni waseNingizimu Afrika ukuze bathole imihlahlandlela yokuthi bangaphendula kanjani kumavolontiya afuna ukubhalisela impi.
I-Ukraine imemezele ukulanda isibalo sabantu bangaphandle abazosiza i-Ukraine kanye namasosha akhona.
U-Abravitova ubesanda kuphuma emhlanganweni ne-Democratic Alliance, ozwakalise ukweseka i-Ukraine.
Kodwa-ke, akakakwazi ukukhuluma noMengameli uCyril Ramaphosa, oziqoke yena ngokuba ngumxazululi kule ngxabano.
“Ngebhadi kusukela ngomhlaka-24 kuNhlolanja ngidlulise umyalezo wami kumhlonishwa kanye noHulumeni waseNingizimu Afrika ngemithombo yabezindaba ehloniphekile,” kusho inxusa, wabe eseqagela ukuthi yini uRamaphosa okungenzeka ukuthi wayixoxa noPutin engxoxweni yabo yakamuva ngocingo.
“Ingane eshone ngenxa yokuphelelwa amanzi emzimbeni ngemuva kokuhlasela kwe-Russia, iyona le nto oyibiza ngokuthi izimpi ezijwayelekile? Udlame, ukubulala kanye nobugebengu obubhekiswe kubantu – Ngabe lokhu kungqubuzana kuyisibani sentando yeningi yalelizwe? Ngabe yilokhu okwakuqondwe uMadiba?” Kubuza u-Abravitova.
.
