USimbine uzophakamisa ifulegi lakuleli e-Paris

Lubhalwe nguRazeen Gutta

Isihlabani saseNingizimu Afrika esigijima amamitha angu-100 u-Akani Simbine uhlulwe emjahweni wakhe wokuqala kule sizini, ephuma isithathu e-Gyulai Istvan Memorial e-Hungary ngoLwesibili.

Ngo-2021 uSimbine ugijime isikhathi esingu-9:84, ephula irekhodi laseNingizimu Afrika lemizuzwana engu-9.89 alibeke ngokwakhe ngo-2016. 

Kulokhu, isikhathi sakhe esingu-10:01 sihlulwe uKishane Thompson wase-Jamaica (9:91) noLesile Tebogo wase-Botswana (9:99). 

USimbine, ozophakamisa ifulegi laseNingizimu Afrika emcimbini wokuvula ama-Olympics e-Paris, ukubonile ukukhathazeka kwakhe ukuthi kumphazamisile njengoba engenzeka kahle. 

Lokho kuholele ekutheni lo mjaho uqalwe kabusha, okubuyise izinkumbulo ze-World Championships e-Budapest nyakenye lapho akhishwa khona kowandulela owamanqamu. 

Kuthe uma sekuqalwa kabusha, uSimbine uqale kahle kodwa wahluleka esigabeni sokugcina njengoba ehlulwe abanye.

Kweminye imiphumela, uLythe Pillay uphume isithathu kumamitha angu-400 kwabesilisa ngesikhathi esingu-45:24, kwathi uZakithi Nene wathola indawo yesine ngo-45:45. 

USteve Gardiner wase-Bahamas unqobe ngo-44:50, kwathi uSean Bailey wase-Jamaica wangena endaweni yesibili ngo-44:64. 

UZeney Geldenhuys ulale isibili emjahweni wabesifazane wamamitha angu-400 ngesikhathi esingu-54:86 kwathi uBrian Raats walala endaweni yesibili ku-high jump yabesilisa yamamitha angu-2.24. 

Osesithombeni ngenhla: U-Akani Simbine.

Umthombo: @mzansi_trust

Izihloko zakamuva