Lubhalwe nguDylan Bettencourt
UShadrack Sibiya utshele amalungu ePhalamende ukuthi abaholi bamaphoyisa bavikela ozakwabo baphinde bapanishe abasezikhundleni eziphansi.
USibiya uxwayise amaphoyisa ukuthi akha into angeke akwazi ukuyimela noma ukuyilawula njengoba amaphoyisa ezojikelana wodwa.
UGeneral wamaphoyisa osamisiwe uShadrack Sibiya usebenzise amazwi acashunwe kwi-Animal Farm ukuchaza akubona njengokungenabulungiswa ngaphakathi emaphoyiseni.
“Zonke izilwane ziyalingana, kodwa ezinye zilingana kakhulu kunezinye,” esho ngesikhathi ethula ubufakazi phambi kwekomidi lesikhashana lePhalamende ngoLwesibili.
Uthe amaphoyisa aphezulu ayabhekelelana kanti amanye akhishwa inyumbazana.
USibiya utshele amalungu ePhalamende ukuthi akakutholi ukwesekwa kwezomthetho nakuba abanye oGeneral abasolwa ngokwenza okubi banikezwa abammeli ngamaphoyisa.
Uthe uhlelo luphukile waxwayisa: “Salah inkinga okuzoba nzima ukuyilawula.”
Ikomido liphenya ngezinsolo ezibhekiswe kumphathi wamaphoyisa KwaZulu-Natal, uLieutenant-General Nhlanhla Mkhwanazi.
USibiya, oyiPhini likaKhomishana kazwelonke osamisiwe, ubizwe ukuthi azokwethula ubufakazi mayelana nombango wezikhundla oqhubekayo ngaphakathi kwa-SAPS.
Uthe iKhomishana yamaQiniso nokuBuyisana ikhombisa ukuthi imiyalelo evela phezulu isetshenziswa ukuthethelela udlame, futhi isiko le-unaccountability lisekhona nanamuhla.
USibiya uphinde wathi akakaze athumele imiyalezo kaWhatsApp okuthiwa ixhumene naye, egcizelela ukuthi “akulona ulimi lwami lolo.
Uthe ukholwa ukuthi kukhona abakwaSAPS abebezama ukumcekela phansi ngokulandela imiyalelo.
USibiya uphinde wathi ziningi izinto aphikisana ngazo noMkhwanazi, okuhlanganisa ukuthi uphenyo olubalulekile lusingathwe kanjani nokuthi imiyalelo yakhishwa kanjani emaphoyiseni. Ukuphikile kukhona akwenza ngaphandle kwemiyalelo, wathi ulandela imiyalelo kaNgqongqoshe kuphela.
Osesithombeni esingenhla: UShadrack Sibiya.
Umthombo wesithombe: @SAPoliceService