UShudufhadzo ujoyine abangu-40 abangenele uMiss World

Dylan Bettencourt

UShudufhadzo Musida owadla umhlanganiso kaMiss South Africa 2020 ungene kwabangu-40 abahamba phambili kuMiss World.

Lo wesifazane oneminyaka engu-25 ubudala uveze lezi zindaba ezinkundleni zokuxhumana ebonga abangani nabalandeli ngokumeseka wathi “Ngizizwa ngithobekile ukumemezela ukuthi ngiphumelele ukungena kuMiss World Top 40”.

“Iphupho lami elikhulu ‘bekuwubuhle obunenjongo’ nokuthi iphrojekthi yami ikhethwe njengamanye aphumelele kuyinjabulo enkulu,”

“Ukuhlangana nabanye abaqhudelana ngenhloso yobuhle kwenze uhambo lwagcwaliseka kakhulu,” esho.

Umqhudelwano ka-70th Miss World bekumele usingathwe ngoZibandlela 2021 kodwa wahlehliselwa kuNdasa walo nyaka ngenxa ye-Covid-19.

“Ngijabule kakhulu ngokubuyela e-Puerto Rico ngoNdasa,” kusho uMusida, ozobe emele iNingizimu Afrika.

Uma edla umhlanganiso kaMiss World ngomhlaka-16 kuNdasa, uMusida uzoba ngowesine waseNingizimu Afrika ukuwina lo mqhudelwano.

“Ngiyabonga Ningizimu Afrika yami enhle, kuthatha isigodi ukukhulisa ingane, kanye nokungeseka kwenu okungenze ngafinyelela kuleli zinga. Emndenini wami kaMiss World, ngiyabonga.”

Umthombo wesithombe: @TimesLive

Izihloko zakamuva