Lubhalwe nguRazeen Gutta
Emzamweni wokushintsha ukugxila kumaligi e-T20 emhlabeni jikelele, uDwaine Pretorius usememezele isinqumo esisheshayo sokuhoxa kwikhilikithi yamazwe ngamazwe.
Lo mdlali oneminyaka engu-33 ubudala udlale ama-test amathathu, ama-international osuku olulodwa angu-27 kanye nama-international angu-30 e-T20 yakuleli, uthathele izwe lakhe amawikhethi angu-77 emsebenzini wakhe weminyaka eyisithupha.
UPretorius ubesethubeni lokuqala kumaProteas kwiNdebe yoMhlaba ye-ICC T20 ngonyaka odlule, kodwa walimala ngesikhathi kulungiselelwa umqhudelwano.
“Ezinsukwini ezimbalwa ezedlule ngenze esinye sezinqumo ezinzima kakhulu ngomsebenzi wami wekhilikithi. Nginqume ukuhoxa kuyo yonke imidlalo yekhilikithi yamazwe ngamazwe,” kusho uPretorius esitatimendeni.
“Ngizogxila emidlalweni yama-T20 nakwezinye izinhlobo ezimfishane kuwo wonke umsebenzi wami. Ukuba i-ejenti yamahhala kuzongisiza ngifinyelele kumgomo wokuba ngumdlali ongcono kakhulu. Ngokwenza lokhu ngizokwazi ukuthi ngibe nempumelelo emsebenzini wami nasempilweni yomndeni wami.”
Njengamanje uPretorius udlalela i-Chennai Super Kings kwi-IPL, i-Welsh Fire in the Hundred kanjalo ne-Durban Super Giants ku-SA20 uma sibala izinhlelo zakhe ezimbalwa.
Osesithombeni esingenhla: UDwaine Pretorius
Umthombo wesithombe: @ESPNcricinfo