Lubhalwe ngumbhali we-Staff
Ingoma ekhishwe kabusha yesihlabani sase-Nigeria uRema ethi “Calm Down” esihlanganiswe noSelena Gomez isifinyelele endaweni yesine ku-Billboard Hot 100 futhi njengamanje isivela kumashadi kazwelonke angu-46 asemthethweni, okuyisibalo esiphezulu kakhulu sengoma yase-Afrika.
Le ngoma isihambe phambili kwi-US Afrobeats Songs amaviki angu-35 kanti isiqophe umlando.
Ibe yingoma yokuqala yase-Afrika ukufika ku-40 million ngokusakazwa ku-Spotify.
I-“Calm Down” isibe ingoma ehamba phambili yamazwe ngamazwe ye-Afrobeats emlandweni.
I-“Calm Down” ifinyelele ku-#1 e-Canada, e-India, e-Portugal, e-Switzerland, e-Belgium, e-Holland, e-Romania, e-Luxembourg yafinyelela ku-#2 e-France, e-Lebanon, e-Bulgaria, e-Panama yafinyelela ku-#4 eMelika, e-UK, e-Greece yaba ngu-#5 e-Malaysia nase-Ireland.
URema igama lakhe langempela uDivine Ikubor owazalwa mhla zizinye kuNhlaba ngo-2000, eDolobheni lase-Benin.
Ingoma yakhe yokuqala eshisa izikhotha yayithi “Dumebi” ngo-2019.
Isithombe esingenhla: URema noSelena Gomez
Umthombo: I-Twitter