Lubhalwe intatheli ye-Scrolla
Usaziwayo ophinde abe umpetha wethenisi uSerena Williams umemezele ukuthi ukhulelwe kwi-Met Gala yakulo nyaka ebise-New York City.
Lezi zindaba zisabalale kakhulu ezinkundleni zokuxhumana nakubezindaba.
UWilliams nomyeni wakhe ongumsunguli we-Reddit, u-Alexis Ohanian bashada ngo-2017 futhi banendodakazi (6) ebizwa ngelika-Olympia.
Lezi zithandani ezingosaziwayo zenze lesi simemezelo kulo mcimbi obugcwele izihlabani zatshela abezindaba ukuthi “sobathathu sihambele lo mcimbi,” okusho umyeni wakhe nengane engakazalwa. Kamuva uye waqinisekisa amahlebezi ku-TikTok ngesikhathi ebonga u-Anna Winter ngokubamema “bobathathu” kulo mcimbi.
USerena ongazange ayeke ngokusemthethweni emdlalweni wethenisi ugcine ukudlala ngesikhathi ehlulwa emzuliswaneni wesithathu we-US Open ngemuva komdlalo wakhe ebhekene no-Ajla Tomljanović wase-Australia obekwe endaweni yesi- 46 ezingeni lomhlaba.
Kungenzeka ukuthi isimemezelo sokukhulelwa sisho ukuthi lo mpetha osewine amahlandla angu-23 ngeke abuyele emiqhudelwaneni yethenisi. Kodwa-ke, akukho akukweleta umhlaba njengoba kungangabazeki ukuthi ungumpetha wethenisi ohamba phambili futhi ubelokhu esho ukuthi indima yakhe ayithanda kakhulu ukuba umama.
Abanye osaziwayo abakhulelwa abebekwi-Met Gala kubalwa uFenty mogul, uBangalore Riri, uRihanna kanye nonobuhle uKarlie Kloss. Ingqikithi yalo mcimbi wakulo nyaka ibithi-“Karl Lagerfeld: A Line of Beauty”, kuhlonishwa umklami wenqephu we-Chanel ongasekho.
Nakhu okusheshayo ongakubuka kwezinye zezimpahla ezikhonjiswa kukhaphethi obomvu ukuhlonipha usuku.
USerena no-Alexis: https://www.instagram.com/p/CruIfwluQkj/?igshid=YmMyMTA2M2Y=
U-ASAP Rocky noRihanna: https://www.instagram.com/p/CruUoEIOotm/?igshid=YmMyMTA2M2Y=
ULil Nas X: https://www.instagram.com/p/CruMCWTIApF/?igshid=YmMyMTA2M2Y=
URita Ora:
https://www.instagram.com/p/Cruk74XOFIf/? igshid=YmMyMTA2M2Y=
U-Anok Yai: https://www.instagram.com/p/CrulLVhszhB/?igshid=YmMyMTA2M2Y=