Lubhalwe nguJayne Augoye
Owaziwa ngeNdlovukazi ye-Jollof ongowase-Nigeria, uHilda Baci usengene kwi-Guinness World Record ngokuba umpheki othathe isikhathi eside kunabo bonke emjahweni wokupheka.
Udlule irekhodi ngoMsombuluko ekuseni.
UChef Lata Tondon ubambe irekhodi lamahora angu-87 nemizuzu engu-45 e-Ndiya ngo-2019, kodwa umpheki wase-Nigeria ushaye leli rekhodi ngo-7:46 ekuseni ngomhlaka-15 kuNhlaba ngoMsombuluko okungamahora angu-87 nemizuzu engu-46.
NgoMsombuluko ebusuku, uBaci obegxile emjahweni wokupheka wamahora angu-96 ubesechithe amahora angaphezu kuka-96 ekhombisa amakhono akhe okupheka, esebenzisa izindlela zokupheka ezahlukahlukene zasendaweni kanye nezamazwekazi ukubeka i-Nigeria ebalazweni lezwe lokupheka.
Ezinsukwini ezine ezedlule, lo wesifazane oneminyaka engu-27 wenze izibiliboco eziningi ngokudla kwase-Nigeria, usebenzise izinhlobo ezingu-110 zokudla okuhlukene.
Uqale ukupheka ngehora lesine ntambama ngomhlaka-11 kuNhlaba ngoLwesine futhi ubehlele ukuqhubeka nokupheka kuze kube ihora lesine ntambama ngoMsombuluko ukuze afinyelele kumgomo wakhe wamahora angu-96. Ugcine elifezile iphupho lakhe.
Uphinde wahlosa ukupheka amahora angu-100, njengoba epheke amahora angu-98 imizuzu engu-30 ngo-6:30 ntambama ngoMsombuluko.
Lo mqhudelwano uphinde wabonisa uBaci ethatha ikhefu lehora njalo emahoreni angu-12 okupheka.
Umjaho wokupheka wezinsuku ezine uhanjelwe osaziwayo abafana noTiwa Savage, u-Banky no-Adesua Wellington, uTeni ongusomahlaya, uSpyro, uMbusi uJide Sanwo-Olu, abe-networking,games nama-brand activations.
I-cook-a-thon ingumzamo womlingisi nomdidiyeli wakumabonakude okhombisa amakhono akhe okupheka. Uke wabonakala ezinhlelweni ezahlukene zokupheka zikamabonakude futhi wamela i-Nigeria emqhudelwaneni we-Jollof Faceoff ngo-2021, waphuma njengomnqobi.
Yize umqhudelwano uqale kancane ngoLwesine, usephenduke undabuzekwayo ngenxa yokwesekwa okukhulu abantu base-Nigeria.
Abantu abaningi ku-inthanethi bamfisele okuhle futhi osopolitiki nosaziwayo bamshayele ucingo noma badlula ukuze bamkhuthaze endaweni yase-Amore Gardens lapho kade epheka khona.
Yize esedlule irekhodi lokuqala, i-Guinness World Record ibhale ku-Twitter ngoMsombuluko ukuthi kuzoba nokubuyekezwa kobufakazi benqubo ngaphambi kokuba isenzo sakhe siqoshwe.