Usaziwayo uzokhipha ingoma yakhe yokuqala

Sizwe Sibiya

Uma kukhona umuntu ongenza cishe noma yini ayifunayo ngu-Andile Mpisane.

Umculi osafufusa ophinde abe ngumdlali webhola osanda kunikela ngo-R210 000 ngesikhathi egubha iminyaka engu-21 ngoNdasa, useveze ukuthi uzokhipha ingoma entsha yama-piano esihloko sithi, Umakhwapheni.

“I-#makhwapenichallenge izophuma kungekudala!” kumemezela u-Andile ku-Instagram.

Ingoma ethi Umakhwapheni izoba ngeyokuqala ka-Andile ngemuva kokusayina nenkampani eqopha izingoma i-Def Jam Africa, esayinise lo mculi kulandela uhambo lwamazwe ngamazwe eMelika nosaziwayo abafana noRick Ross ngoNhlolanja kulonyaka.

“Kuyinhlonipho Emangalisayo Ukwamukela u-@andilempisane10 we-Royal AM Entertainment ku-Def Jam Recordings Africa!” Kubhala i-Def Jam Africa ku-Instagram, ngemuva kokusayinisa lo mculi ongakaze akhiphe ingoma eshisa izikhotha.

Khonamanjalo, u-Andile, oyindodana yowesifazane waseThekwini odumile ongusomabhizinisi nophinde abe isihlabani sakumabonakude, uShauwn “Mam’Khize” Mkhize, wenza izinto eziningi njengoba engumdlali webhola aphinde abe ngusihlalo we-Royal A.M  edlalayo ku-DStv Premier Soccer League.

Umthombo wesithombe:Instagram

Izihloko zakamuva