Farida Joyce
Owayengumsakazi we-YoTV uSipho “Psyfo” Ngwenya uthweswe iziqu ze-MBA eNyuvesi yasePitoli.
Lo saziwayo ozoba ngubaba maduzane ungene ezinkundleni zokuxhumana ngoLwesithathu ezwakalisa injabulo yakhe ngomzamo awenza ukuze athole iziqu zakhe.
“Ukubekezela, ukuzidela nokufaka umfutho,” ebhala ezithombeni zakhe nomkakhe, u-Aamirah Msimang, emcimbini wokuthweswa kwakhe iziqu. “Kungijabulisa kakhulu ukuklonyeliswa ngomsebenzi engiwenzile.”
Ukwengeza lokho lo saziwayo ubonge iNyuvesi yasePitoli kanye ne-Gibs Business School ngezifundo ezinhle kanye nempumelelo yakhe emangalisayo.
“Ngineziqu ze-MBA,” eqhubeka ebhala ku-Instagram.
NgoNtulikazi unkosikazi wakhe wabelane ngevidiyo emnandi ezinkundleni zokuxhumana ememezela ukuzalwa kwengane yabo yokuqala. Wenza ihlaya ngokulungisa amabhanisi ashisayo kwividiyo wabe esekhipha i-sonogram.
Wabhala wathi: “Sinqume ukubhaka le-recipe futhi ngiyajabula ukusho ukuthi ngibe nenhlanhla okokuqala ngqa.”
UPsyfo no-Aamirah bashintshana ngezifungo emcimbini womshado oyimfihlo ngomhlaka-21 ngoLwezi ngo-2020.