Sizwe Sibiya
UCleo Ice Queen umculi wokuqala osayine ne-Def Jam Africa e-Zambia usekulungele ukwethula iphrojekthi yakhe yokuqala. Le EP esihloko esithi Leaders of the New School enezingoma ezingu-11, izokhishwa ngoLwesihlanu ngomhlaka-27 kuNhlaba.
UCleo odabuka e-Lusaka igama lakhe langempela nguClementina Mulenga wakhipha i-albhamu yakhe yokuqala ethi Geminice ngonyaka ka-2016. Lolu hlelo olunezingoma ezingu-15 lumenze waqokelwa izindondo ezine okuhlanganisa nendondo ye-Sun Kwacha Music Best Female Artist ayithathe ngo-2017.
Usayine izinkontileka ezimbili ezinkulu ngomhlaka-21 kuMasingana. Eyokuqala ukuba inxusa le-Johnnie Walker scotch whiskey e-Zambia. Eyesibili kwaba isivumelwano sokusabalalisa ithalente lakhe ne-Def Jam Africa. UCassper Nyovest, uTellaman no-Andile Mpisane nabo basanda kwenza isivumelwano nale nkampani yokuqopha.
I-albhamu yesibili kaCleo ithembisa ukuthi izoba nkulu kune-Geminice njengoba isizuze abalandeli ngokusebenzisa izingoma ezimbili ezivela kuma-EP.
Eyokuqala ithi-So Cold in April kanti eyesibili ithi-On My Own ihlanganisa uTowela Kaira.
Njengoba eqale ukwenza umculo esemncane eneminyaka engu-11 uCleo usekhulile ngokusobala kusukela engomeni yakhe yokuqala i-Big Dreams ngo-2011 futhi wakhishwa ngo-2013 kwi-Big Brother house ngosuku lokugcina.
Ingoma i-On My Own enezithombe ezinhle kakhulu ezikhiqizwe i-The Reel isibukwe abantu abangu-57,000 ngemuva kwezinsuku ezimbili kuphela ku-YouTube.
Futhi nabaculi abafakiwe abangaphezu kweshumi abafana noKunkeyani Tha Jedi, uT Low, uPrincess Natasha Chansa, uMix Kasamwa noTio Nason uma sibala abambalwa abaholi bezingoma ezintsha ze-EP, bayatholakala uma ufuna i-albhamu nakuzo zonke izitolo ezinkulu zomculo.