QueenEsther Iroanusi
Ngaphandle kokusindisa usuku ngokuthola amaphuzu amathathu ngokushaya igoli ngekhanda bebhekene ne-West Ham United uMarcus Rashford ushaye igoli lakhe lekhulu ekwi-Manchester United ngeSonto.
Kuphinde kwaba igoli lakhe lesikhombisa kule sizini.
Igoli likaRashford alishaye ngekhanda emizuzwini engu-38 ngebhola elisuka kuChristian Eriksen bekungokokuqala lo mgadli waseNgilandi eshaya igoli ngesiwombe sokuqala kusukela ngoMbasa nyakenye, ngokusho kwe-Squawka.
Igoli lakhe lekhulu ekwi-Manchester United lenze uRashford waba ngumdlali wakamuva ukujoyina uhlu lwabadlali abadumile okubalwa kubo uWayne Rooney kanye noRuud Van Nistelrooy.
Nakuba abafana baka-Erik Ten Hag bebengelona iqembu elihamba phambili, baye baphikelela ekutholeni amaphuzu amathathu abenze bagcina besendaweni yesihlanu kwi-log ngamaphuzu angu-23 emidlalweni engu-12.
I-Manchester United isele ngephuzu elilodwa ngemuva kwe-Newcastle United esendaweni yesine esasalelwe umdlalo owodwa.
Abanye abashayimagoli abahamba phambili be-United uRooney ngamagoli angu-253, uBobby Charlton ngamagoli angu-249, uDenis Law ngamagoli angu-237, uJack Rowley ngamagoli angu-211 kanye noDennis Viollet ngamagoli angu-179.
Abanye uGeorge Best ngamagoli angu-179, uJoe Spence ngamagoli angu-168, uRyan Giggs ngamagoli angu-168, uMark Hughes ngamagoli angu-163, uPaul Scholes ngamagoli angu-155, uRuud van Nistelrooy ngamagoli angu-150, uStan Pearson ngamagoli angu-148, uDavid Herd ngamagoli angu-145 kanye noCristiano Ronaldo ngamagoli angu-144.