Dylan Bettencourt
INkantolo eNkulu yaseGoli ikhiphe isinqumo sokuthi abasebenzi basemayini e-Marikana abasinda bengacela isinxephezelo kuMengameli uCyril Ramaphosa.
Inkantolo inqume ukuthi kuvulwe icala elibhekene noRamaphosa lokuthi “wabamba iqhaza, waba ungqondongqondo waphinde wagqugquzela ukuthi abaphathi basemayini namaphoyisa basebenzise isixazululo esinodlame.”
Isinqumo seNkantolo eNkulu sivumela abasebenzi abangu-349 base-Marikana ukuthi bathwese uRamaphosa icala ngokulimala kwabo ngesikhathi kuqubuka isiteleka ngo-2012.
Abasebenzi basemayini yase-Lonmin bafake isicelo enkantolo sokuthi banxeshezelwe ngomonakalo owadalwa ngesikhathi kubulawa abasebenzi abangu-34 cishe eminyakeni eyishumi edlule.
Laba basebenzi bafuna isinxephezelo sika-R1 billion.
URamaphosa uphakamise izizathu eziyisishagalombili ezishiywe ngaphandle kuleli cala ngesikhathi iJaji uFrits van Oosten evumelana nalezi zizathu ezine echitha esisodwa.
Ijaji alikwazanga ukukuchitha ukuthi uMengameli waba ingxenye yezingxoxo ngesikhathi kuqhubeka umbhikisho owagcina uholele ekutheni kushone abasebenzi ababetelekile.
Yize isinqumo senkantolo singeke simbeke icala lokushona kwalaba, kodwa sithole ukuthi uRamaphosa, i-Lonmin kanye namaphoyisa babanesandla esaholela ekutheni kushone abasebenzi.
Ummeli wabasebenzi basemayini, uMnu Andries Nkome, uthe uRamaphosa nguyena onecala ngokushona kwabasebenzi, wengeza ngokuthi akasakwazi ukumelana nokulahlekelwa umnotho ngenxa yeziteleka.
“Imali ayibalulekile kangako. Okubalulekile ukuthi uMengameli axolise mhlawumbe abasebenzi bangase babuyekeze izimfuno zabo,” kusho uNkome.
Okunye okusele okuhlukile ezicelweni zikaRamaphosa kanye nokunye ngokuqulwa kwecala enkantolo kuhlehliselwe osukwini oluzayo.
Ihhovisi likaMengameli lisazophawula ngalesi sinqumo.
UMengameli wakuleli usanda kusolwa ngokushushumbisa imali ngesikhathi kugqekezwa ipulazi lakhe i-Phala Phala e-Limpopo.
Umthombo wesithombe: @CNN