UPutin ngeke eze kuleli

UMengameli wase-Russia uVladimir Putin ngeke ayihambele ingqungquthela ye-Brics ezayo ezoba kuleli.

Esikhundleni salokho i-Russia izomelwa uNgqongqoshe wezangaphandle uSergey Lavrov.

Lokhu kumenyezelwe ihhovisi likaMengameli wakuleli.

NgoLwesithathu okhulumela ihhovisi likaMengameli uVincent Magwenya uthe uMengameli uCyril Ramaphosa ukuqinisekisile ukuthi elakuleli likulungele ukusingatha ingqungquthela ka-15 ye-Brics.

Le ngqungquthela kuzoba ngeyokuqala ukubanjwa ubuso nobuso selokhu kwabheduka ubhubhane lwe-Covid-19 kanye nemikhawulo eyalandela emhlabeni jikelele.

UMengameli uRamaphosa ubelokhu esezingxoxweni ngokuqhubekayo mayelana nokusingatha le ngqungquthela okuhlanganisa nezingxoxo zamaqembu ezepolitiki e-Brics ebezibanjelwe eGoli ngomhlaka-18 kuNtulikazi.

Le ngqungquthela izohanjelwa umholi waseBrazil, e-India, e-China nowakuleli.

Luhlanganiswe ngumbhali we-staff

Esithombeni esingenhla: URamaphosa noPutin

Izihloko zakamuva