Dylan Bettencourt
UNovak Djokovic uhlule uMatteo Berrettini amasethi amathathu kwelilodwa ukuthola isicoco sakhe sesithupha se-Wimbledon, wajoyina izingqalabutho zethenisi uRoger Federer noRafael Nadal kuma-20 Grand Slam umuntu emunye.
UDjokovic oneminyaka engama-34 ubudala wethuke woma ngesikhathi uBerrettini onomdlandla ehola phambili ngo-1-0, eshiya uDjokovic emangele. Kodwa-ke, uDjokovic wenza umbukiso omangalisayo wokulwa nokuzimisela ukuqeda ukubuya kwakhe ngosuku ngenkathi umdlali wase-Serbia engadlali kahle.
Ephendula ngokunqoba kwakhe i-Wimbledon okwesithupha, uDjokovic uthe: “Umfana oneminyaka eyisikhombisa wase-Serbia wakha indebe yethenisi ye-Wimbledon egumbini lami ngezinto zokwakha engingazithola futhi namuhla ngimi lapha ne-Wimbledon yami yesithupha yinto engakholakali.”
Umdlali wase-Serbia wenziwe ukuthi asebenze kanzima yindoda enekusasa eliqhakazile kwezemidlalo. UBerrettini wase-Italy ubambene ngezihluthu nongunombolo yokuqala emhlabeni wathwalisa uDjokovic kanzima umdlalo waze waphela.
Kodwa-ke, naphezu kwemizamo emihle yomdlali oneminyaka engama-25, akukho obekuzomisa uDjokovic ekunqobeni isicoco sakhe se-20th Grand Slam nokuqhubeka nokufuna kwakhe ukuzimela yedwa njengomdlali onezicoco ze-Grand Slam eziningi kakhulu.
Lo mdlali owine i-Wimbledon amahlandla ayisithupha waqala umsebenzi wakhe ngowezi-2003 futhi kwadingeka ukuthi asebenzise amava akhe kulo mdlalo ngosuku lapho umdlali wase-Serbia ayengabonakali kahle futhi elwela ukungena eshinini. Noma kunjalo, u-Djokovic wakhombisa ukuthi ungomunye wabadlali bethenisi abakhulu kunabo bonke.
UDjokovic uzobe ebhekise amehlo akhe kwi-Grand Slam yokugcina yonyaka kwi-US Open okulindeleke iqale ngomhla zingama-30 kuNcwaba. Ukunqoba i-US Open kungenza uDjokovic abe ngumdlali ophethe ama-Grand Slam amaningi kuthenisi yabesilisa angama-21.
Umthombo wesithombe: @Sporf