Linda Ximba
UNomzamo Mbatha, intandokazi yakuleli usehlala eMelika futhi uphila impilo emnandi!
Lo mlingisi uthole umsebenzi wokwethula umcimbi obucijwe yizihlabani ngempelasonto ngesikhathi ebambe iqhaza kwi-Global Citizen Vax Live Concert 2021 enkundleni ebigcwele phama i-Sofi Stadium, e-Los Angeles.
Lo mcimbi bekuhloswe ngawo ukugxilisa ekhaya umyalezo wokugoma kanye nokunxenxa ukugoma ngokushesha nangaphezulu.
UNomzamo ufake ividiyo yemizuzu emihlanu kuma-akhawunti akhe i-Twitter ne-Instagram esitshengisa abelana inkundla noPrince Harry kulo mcimbi, obekukhona kuwo noJennifer Lopez, uBen Affleck kanye noSean Penn.
Ngesikhathi salo mcimbi obekuqhaphwe kuwo imigomo eqinile ye-covid, uMengameli waseMelika uJoe Biden uthumele umyalezo wevidiyo enxusa ohulumeni be-G7 ukuthi babelane ngemithamo eyeqile futhi wacela amabhizinisi ezinkampani ukuthi anikele ngemali yokuthenga imithi yokugoma.
Umbukiso uzodlala kumabonakude naku-YouTube kulo Lwesihlanu oluzayo.
Izinto zimuhambela kahle uNomzamo, owathuthela e-Los Angeles ngasekupheleni konyaka odlule.
Uphakamise ifulegi laseNingizimu Afrika ngesikhathi ethola iqhaza kwi-Comming 2 America, esebenza no-Eddie Murphy.
Uma engekho matasa ngokulingisa, uba matasa ngokusiza abantu ngeNomzamo Lighthouse Foundation.
Umthombo wesithombe:
@NomzamoMbatha