UNgqongqoshe wezeMpilo usathinteka esigamekweni senkohlakalo sezigidi ezi-R150

Dylan Bettencourt

Cishe seluphothuliwe uphenyo lwenkohlakalo mayelana nokuthi abangani abasondelene noNgqongqoshe wezeMpilo uZweli Mkhize bathola kanjani amathenda avela emnyangweni wakhe cishe ezigidi ezi-R150.

Kubikwe ukuthi okhulumela uMkhize, uTahera Mather kanjalo noNaadhira Mitha, owayengunobhala kaMkhize ngesikhathi enguNgqongqoshe Wezokubusa Ngokubambisana Nezindaba Zomdabu – bahlomula kule thenda ye-Covid-19.

Uphiko oluphenya amacala ayisipesheli (i-SIU) luthi luzophothula uphenyo emasontweni ambalwa nje.

Bobabili abakwa-DoH noMkhize banqabile ukuphawula ngalezi zinsolo bethi bafuna i-SIU iqedele umsebenzi wayo ngaphandle kwengcindezi engafanele yokugxambukela.

Esitatimendeni umnyango wathi: “ngoNhlolanja, uNgqongqoshe wazibophezela emphakathini ukuthi uma nje umbiko wokugcina usuphumile, imiphumela kanye nezincomo kuzokwabelwana ngazo namalungu omphakathi.”

UMkhize nabangani bakhe asondelene nabo kakhulu njengoba kubikwa ngenhla, kusolwa ukuthi babambe iqhaza ezinhlelweni zokukhokha ezingajwayelekile maqondana namathenda e-Covid-19 anikezwa inkampani yezokuxhumana eKZN.

I-SIU idalule ukuthi uphenyo lwabo ngalolu daba selusezingeni eliphezulu futhi batholile okunye ngale nqubo okwenza ukuthi umnyango uphendule.

Umthombo wesithombe: @eNCA