Toby Shapshak
Usefuna ngisho ukuhoxisa uxhaso lwezimali uNgqongqoshe wezokuxhumana ongeneme ngezinqumo ze-SABC.
Njengoba uNgqongqoshe wezokuXhumana uKhumbudzo Ntshavheni engqubuzana ne-SABC mayelana nesitatimende sayo nokucishwa kwamasiginali kamabonakude e-analogue ngomhlaka-31 kuNdasa, lokhu sekudale ukungaboningasolinye phakathi kukangqongqoshe nenhlangano esakaza ngomoya.
UNtshavheni ukhwele wadilika kwi-SABC ngesitatimende sayo mayelana nokucisha kama-signal kamabonakude e-analogue ngomhlaka-31 kuNdasa.
I-SABC iphoqeleke ukuthi yephule isethembiso sikaRamaphosa ngoba izoshiya izigidi zemizi ingakwazi ukubuka umabonakude.
Lokhu kungenxa yokuthi uhulumeni bekumele uxhase imindeni ehlwempu engu-2.9 million kodwa kwafakwa ama-set-top box angu-165 000 ekupheleni kukaNhlolanja, kusho isitatimende se-SABC esiphume ngesonto eledlule.
Isibalo sama-set-top boxes afakiwe, singaphansi kakhulu ukuthi ama-analogue akwa-SABC angacishwa ezifundazweni ezine ezinkulu.”
Inkinga ye-SABC ukuthi lezo zigidi zababukeli zizoba nomthelela kwezentengiselwano. Lokhu kungenxa yokuthi – ngibhala kancane uma kwenzeka uNgqongqoshe efunda lokhu – ababukeli abambalwa balingana nemali engenayo yokukhangisa.
Usabisa ngokuhoxisa ukugunyaza kwakhe kwezezimali ze-SABC njengoba bemnike nemininingwane engeyona.
Manje uNtshavheni usabise ngokuhoxisa ukusayina kwakhe emabhukwini e-SABC.
Ubhalele iPhalamende ukuthi “ihoxise yonke imibiko yekota ye-SABC ethunyelwe ngaphansi kokusayina kwami.”
“Ngikwenza lokhu ngoba angikwazi ukuba ingxenye yemibiko yokusebenza edukisa iPhalamende ngamabomu.
Kodwa wakwazi ukulahla amathoyizi akhe, wakujabulela ngokuphelele ukusayina kuwo. Kazi wakhombisa ukuqina okufanayo yini ne-Denel… Oh kodwa siyazi ukuthi akazange.
Ngenhlanhla ngoMsombuluko, ngomhlaka-28 kuNdasa, ibhentshi ebeligcwele eNkantolo ephakeme yasePitoli iyalele uNtshavheni ukuba ahlehlise ukucishwa kwe-analogue kamabonakude izinyanga ezintathu kuze kube umhlaka-30 kuNhlangulana.
• UShapshak ungumhleli omkhulu we-Stuff.co.za nomshicileli we-Scrolla.Africa
.
