Mmaditaba
Into eyodwa umhlaba okufanele uyazi, ukuthi uma ulwa impi ezinkundleni zokuxhumana noyedwa waseNingizimu Afrika, isizwe sonke siyathinteka.
Kufana nomndeni onezelamani ezixabana njalo, kodwa uhlale ukuvikela uma othile ezama ukuhlasela noma yimuphi wabo.
Yilokho umsebenzisi we-TikTok waseMelika, uDoug Romeo, akufunde kuleli sonto ngesikhathi enza ividiyo ngenzondo yakhe ngentandokazi yakuleli, uTrevor Noah. Uveze ukuthi uTrevor “unikezwe” impilo engcono yiMelika. Waze wenza ihlaya ngoMzansi ethi ngeke aziqhenye ngeNingizimu Afrika uma evela lapha.
Abantu baseNingizimu Afrika basheshe bamqanda ngegama eliyintandokazi eMzansi elithi “VOETSEK”. Baphinde bamlungisa futhi bazisa wonke umuntu ukuthi usebenze kangakanani uTrevor ukuze afinyelele lapho ekhona nokuthi akazange anikezwe lutho olungamfanele.
URomeo ubethukuthele kakhulu ngokuphawula kukaTrevor ngamaphoyisa aseMelika abulala abantu abamnyama eMelika ohlelweni lwakhe lwethelevishini, i-Daily Show with Trevor Noah.
“Awukaze uthwale kanzima kuleli. Uhlala emzini kanokusho futhi konke kuhamba kahle. Uyini umzabalazo wakho,” engeza.
Njengamanje uyazi ukuthi akasoze alubhada eMzansi. Ngisho nabantu bakwamanye amazwe ase-Afrika bahlanganyele ndawonye ukuzovikela uTrevor ngokubeka uRomeo endaweni yakhe.
Isixwayiso sobungani kuwo wonke umuntu okhona la ngaphandle, ungakulokothi lokhu ekhaya.