Sizwe Sibiya
Uma ufuna ukuthola uthando kusenesikhathi ngalolu suku lwezithandani oluzayo ungabheki kude, uSomizi Mhlongo, usezikhangise ezinkundleni zokuxhumana kubalandeli bakhe abangenabo abahlekisana nabo ukuthi bamqashe .
Kodwa akezi eshibhile. Umlingisi, umdansi kanye nejaji lama-Idols ufake uhlu lwamanani ku-Instagram wakhe nazo zonke izinto angazenza uma umqasha.
Ngemali engu-R70,000, umlandeli okhonze kakhulu uSomizi angazithola esethubeni lokuzikhipha nosaziwayo amahora amabili.
Ngaleyo mali, lo mculi uzolanda loyo ozomkhetha nge-Lamborghini Urus yakhe ebiza u-R3 million.
Ngemali yakho uzophinde ukwazi ukubambana izandla naye wenze noSomizi ahleke wonke amahlaya akho.
Mhlawumbe okuhle kunakho konke, uzokutshela ukuthi uyakuthanda, okuzolandelwa ukuqabula.
Kodwa uma unemali engango-R25, 000 ungazitholela ukuba semotweni naye kodwa isikhathi esincane.
Uma uno-R2,000 kuphela, khetha okungaphansi njengo-High five ozobe uphuma kuSomizi.
Ubani owazi ukuthi ukungajoli kungakubiza imali engaka ngosuku lwezithandani uze ukhokhele uSomizi.
Umthombo wesithombe: Instagram