Dylan Bettencourt
Yize uNgqongqoshe Wezempilo uZweli Mkhize esevele ebhekene nophenyo ngokubandakanyeka kwakhe ekungahambini kahle kwethenda yemali eyizigidi eziyi-R150, uMvikeli woMphakathi usanda kumvulela elinye icala
UMvikeli woMphakathi uvulela uMkhize icala lokwedelela kulandela ukwehluleka kwakhe ukuhlonipha amasamanisi okuya enkantolo.
UMvikeli Womphakathi uphenya isikhalazo esenziwe ngumuntu osebenza emtholampilo, uSanele Ngcobo, ofuna uMnyango Wezempilo usebenzise izincomo zoMbiko wethimba Elisebenza Emtholampilo Kazwelonke langowezi-2017.
“Uhlulekile ukuvela kathathu lapho efuneka, nehhovisi lakhe belihlezi lisho njalo ukuthi akatholakali,” kusho isitatimende esivela ehhovisi loMvikeli Womphakathi.
Bathe manje bazovulela uNgqongqoshe icala esiteshini samaphoyisa e-Brooklyn e-Hatfield.
Akusikhona okokuqala ukuthi uMkhize azithole esemanzini ashisayo.
Njengoba kwabikwa i-Scrolla.Africa, uMkhize wathi ayikho ingxenye ayibamba kuthenda yemali eyizigidi eziyi-R150 eyayiphenywa ngabophiko lwe-Special Investigating Unit (i-SIU).
I-SIU iphenya ngethenda enikezwe inkampani yezokuxhumana i-Digital Vibes ephethwe ababili ababesebenzela ungqongqoshe. UMkhize uthe uyabazi laba ababili kodwa yena kanye nalabo ayekade esebenzisana nabo abazuzanga lutho ngale thenda.
Uphenyo kulindeleke ukuthi luphothulwe ekupheleni kwale nyanga kanti uMkhize emile ekutheni uma kukhona okungahambi kahle okutholakale ngesikhathi sophenyo nobufakazi bokusetshenziswa kabi kwezimali zombuso, kumele zibuyiswe ngokushesha.
Umthombo wesithombe: @BusinessTech