Kamogelo Olaitan
Kungenzeka ukuthi bekungahlosiwe okubi, kodwa luvele lahlala njengebhomu elikhulu udaba ngesikhathi abaholi beqembu le-EFF behlasela ongenele ukhetho lokuba umphathi wamaJaji uDunstan Mlambo.
Lokhu kwenzeke ngesikhathi kuqhubeka inhlolokhono yakhe phambi kwe-Judicial Service Commission (JSC) ngoLwesine.
Esikhundleni sokubuza ngezinhlelo zakhe zenkantolo ephakeme yezwe, abaholi be-EFF, abakade bephakathi kwalabo abaqhuba inhlolokhono, bangabaze ubuqotho beJaji.
Basebenzise isikhathi semibuzo nezimpendulo ukuze babuze iJaji ngamahlebezi ecala lokuhlukumeza ngokocansi elabekwa lona esikhathini esedlule.
Abaholi be-EFF baphakamise ukuthi uMlambo usolwa ngokufuna ucansi kwabesifazane abafuna ukusebenza njengamajaji – baphinde baletha nobufakazi obusekela izikhalazo.
IJaji uMlambo lizichithile lezi zinsolo, lathi zingamahlebezi.
UMlambo uthe izinkulumo ezifana nalezi ziyinhlamba kuye nakulabo abaqokile.
Ukhale ngokuthi akazange anikezwe isaziso kusengaphambili sokuthi uzobuzwa mayelana namahlebezi okuhlukumeza ngokocansi futhi akukho sikhalazo esisemthethweni esake sabekwa ngaye.
“Kungizwisa ubuhlungu ukwazi ukuthi lamahlebezi asengenile kwinhlolokhono yami yokuba umphathi wamaJaji omkhulu.
Kuyacaca ukuthi yakhelwe ukungilahlekisa namathuba okungenela ukhetho,” kusho uMlabo.
UMpofu uthe izisulu zizophumela obala uma uMlambo eqokwa.
“Angikaze ngihlukumeze muntu ngokocansi, ikakhulukazi abesifazane abanezifiso zokungena ekubeni amajaji,” kusho uMlambo.
UMlambo uthe inkantolo yakhe isisungule umgomo wokuhlukumeza ngokocansi, ngemuva kokuthi amajaji amabili okungawesifazane ekhala ngenkulumo eyinhlamba esetshenziswe kuwona. Uthe banqabile ukuqhubeka nalolu daba.
Usihlalo we-JSC iJaji uXola Petse uthe akulungile ukuveza amahlebezi kwinhlolokhono kaMlambo.
UPetse unqume ukuthi lemibuzo isuswe.
Lesi sigameko sisuse ukuxokozela ezinkundleni zokuxhumana lapho umhlaziyi uPalesa Morudu Rosenberg ephawula ukuthi uMpofu uzehlise isithunzi ngalokhu. Uthe udlame lwakhe olubhekiswe kuMlambo kwi-JSC luyamcasula.
Kube nesisekelo sokwesekwa kukaMlambo abanye bethi uMalema noMpofu abakhishwe kwi-JSC.
Omunye obegxeka uthe: “UJulius Malema noDali Mpofu bayichilo. Kumele kugcizelelwe ngokwanele ukuthi bakhona kanjani kwi-JSC. Kubona, konke kumayelana nepolitiki akukho okunye.”
UMorudu Rosenberg wengeze wathi: “Izingxoxo ze-JSC zihlala zishiya umunyu. Akekho Umuntu okufanele aphathwe ngendlela engafanele osopolitiki nabammeli abathanda ukubukwa.”
I-JSC iqale inhlolokhono ngoLwesibili neJaji leNkantolo yoMthethosisekelo uMbuyiseli Madlanga obhekwe ngabomvu, elandelwa nguMengameli wamaJaji eNkantolo eNkulu yokuDluliswa kwamaCala, iJaji uMandisa Maya.
Umphathi wamajaji uRaymond Zondo inhlolokhono yakhe izoba ngeyokugcina ngoLwesihlanu.
Ithimba lizodingida inhlolokhono ngoMgqibelo ngomhlaka-12 kuNhlolanja.
.
