ULekau Sehoana oyisikhulu senkampani ekhiqiza amateki iDrip, kanye nomndeni wakhe kusolwa ukuthi baxoshwe emzini wabo kanokusho waseWaterfall ngenxa yokungayikhokhi irenti.
Nokho uLekau uthi kungenxa yokuthi umkakhe wephule isivumelwano sokuqasha.
Ngokusho kweZimoja, uSehoana akakaze akhokhe u-R35,000 wenyanga kusukela ngoLwezi ka-2023.
Unkosikazi kaSehoana, uLebogang, osezinhlelweni zokufaka isehlukaniso, uthe usekhathele ngamanga kaLekau.
“Sikhathele ukuhlukunyezwa, amanga, namaqhinga kaLekau,” kusho yena. “Kumanje eyakhe indodana ayinakhaya futhi ayifundi, ayinakudla nezingubo. Unayo ngisho nencwadi yenkantolo yokuthi akhokhe isondlo, kodwa sekuphele iminyaka engayilandeli.”
ULekau ukhiphe isitatimende ethi imibiko yabezindaba mayelana nokuxoshwa ayisho okuyikona.
“Okokuqala, angihlali nobengunkosikazi wami kusukela ngo-2021 futhi angikwazi ukuthola indodana yami. Bengiqashe indawo ngenzela ukuthi indodana yami ibe nekhaya.”
Uthe ngesikhathi amaphoyisa efika kule ndawo njengengxenye yophenyo lwawo lokubulawa kowayenguMphathi we-Drip, uGlenda Ndlanzi, “athole ukuthi uLebogang washushumbisa le ndawo kubantu engingabazi futhi ngaphandle kwami noma imvume yomnikazi wendawo. Lokho kuwukwephula isivumelwano sokuqashisa.”
Uthe usesinqamulile isivumelwano sokuqasha.
Isithombe esingenhla: ULekau Sehoana.
Umthombo: Instagram