UMosimane uvuselela ithemba lesicoco e-Al Ahly

Timmy T Maranda

Iqembu lomqeqeshi uPitso Mosimane i-Al Ahly libuyile ngemuva kwemiphumela emibi yakamuva, futhi livuselele amathemba alo esicoco ngokunqoba ngamagoli amathathu eqandeni idlala neqembu lase-DR Congo Side i-AS Vita ngoLwesibili eKinshasa.

Amagoli kaMohamed Sherif, uMohamed ‘Afsha’ Magdy noTaher Mohamed asize ompetha abavikelayo ukuthi babuyele endaweni yesibili ku-Group A ngamaphuzu ayisikhombisa, kanti basemuva ngamaphuzu amathathu ngemuva kwabaholi beqembu i-Simba SC.

UMosimane uvuselele ithemba lesicoco le-Red Devils ngemuva kokungatholi magoli emidlalweni ye-CAF Champions League lapho ahlulwe khona ngegoli elilodwa eqandeni yi-Simba SC yase-Tanzania kanye nokudlala ngokulingana ngamagoli amabili kwamabili ekhaya bedlala ne-Vita Club e-Egypt.

Ukunqoba kube impumuzo kuMosimane owazalelwa eNingizimu Afrika obegxekwa ngemuva kokuhlulwa ekuhambeni yi-Simba SC nokudlala ngokulingana ekhaya.

Khonamanjalo, umdlalo omkhulu weqembu lase-Tanzania i-Simba SC uqhubekile kwi-CAF Champions League kulandela ukunqoba ngamagoli amathathu eqandeni bedlala ne-Al-Merrikh yase-Sudan e-Dar es Salaam, e-Tanzania.

Amagoli amabili esiwombe sokuqala kaLuis Miquissone noMohamed Hussien kanye negoli lesiwombe sesibili elivela kuChris Mugalu – kuqinisekise ukuthi i-Simba SC isondela eduze kowokuhlungelwa i-quarter-final.

Iqembu likaMosimane lingase lifake eyokuhlungela ukungena kowamanqamu emdlalweni wabo olandelayo ne-Al-Merrick yase-Sudan edonsa kanzima ngesonto lokuqala kuMbasa.

Isithombe: @FIFAclubworldcup