Umndeni kaMyeni ucela uhulumeni wakuleli ukuthi ufake ingcindezi eMelika mayelana nokubulawa kwabantu

Umndeni kaLindani Myeni ucele uhulumeni waseNingizimu Afrika ukuthi ufake ingcindezi kuhulumeni waseMelika mayelana nokubulawa kwakhe ngamaphoyisa e-Hawaii ngasekuqaleni kwenyanga.

Izindaba ze-SABC zibike ukuthi sezibonile izincwadi ezivela kubammeli balo mndeni zifuna uhulumeni ukuba “abeke noma iyiphi ingcindezi angayenza eMelika ukuze abhekele ukungabi nabulungiswa okwenziwe emndenini wakwaMyeni futhi naseNingizimu Afrika.”

Intatheli ye-SABC uSherwin Bryce-Pease, ubike ukuthi umndeni ubuye wakhala “ngokungabhali kwabezindaba ngecala kwimithombo yezindaba yaseMelika njengoba kunezigameko zokubulawa kwabesilisa abamnyama nabansundu ezweni ngamaphoyisa.”

Lesi sigameko silandela ukubulawa kwabantu abamnyama, abesilisa nabesifazane ngamaphoyisa aseMelika.

Umbhali wakuleli ose-Washington uPalesa Morudu, ubike kuleli sonto ngezimo zokushona kukaMyeni, izigameko zokudutshulwa nokwesaba abantu abamnyama abanakho ngamaphoyisa aseMelika.