Joseph Chirume
Izinsolo zokuqamba amanga ngeminyaka azigcini emhlabeni wezemidlalo kuphela.
UMengameli Emmerson Mnangagwa usempini yamazwi nomngani wakhe owayesekudingisweni, owayenguNgqongqoshe Wezokwazisa Nokushicilela, uJonathan Moyo.
UMnangagwa umemezele ngokuziqhenya namuhla e-Harare ukuthi ugubha iminyaka engama-79 yokuzalwa.
UMengameli ubonakala kwividiyo emfushane emi phambi kwamasosha nezikhulu ezigqoke amasudi. Abantu bacula iculo elidumile elithi-“Happy birthday. Uneminyaka emingaki Mengameli?”
UMnangagwa uphendula ngokuhleka uthi, “engama-70 ehlanganiswa neyisishiyagalolunye” Futhi kuqhuma uhleko oluvela kwizivakashi ebezicula lelo culo.
Kodwa uJonathan Moyo owazidingisa yena uyakuphikisa lokho futhi uthi uMengameli usenga ezimithiyo ngeminyaka yakhe.
UMoyo ubhale ekhasini lakhe ku-twitter wathi “mhla ziyi-15 kuMandulo ngowe-1938, mhla ziyi-15 kuMandulo ngowe-1942, mhla ziyi-15 kuMandulo ngowe-1946.
“Eminyakeni edlule, uMnangagwa uqobo ubesebenzisa yonke le minyaka engenhla njengosuku lwakhe lokuzalwa, kuya ngesimo esiphambi kwakhe; lulodwa kuphela usuku oluyiqiniso kulawa; kodwa lokho sizokuxoxa ngolunye usuku. Sikufisela usuku oluhle lokuzalwa Emmerson”.
UMoyo wayenguNgqongqoshe kuhulumeni kaRobert Mugabe futhi wayesondelene kakhulu noMengameli ongasekho. Uhole iqembu elibizwa nge-Generation 40 ebenezibusiso zikaGrace Mugabe futhi lazibeka ethubeni lokuhlala esihlalweni sobukhosi ngemuva kokushiya kukaMugabe.
Icebo labo lakhishwa ngemuva kokuthi uMnangagwa ahole umbuso ngoLwezi ngowezi-2017 okwaholela ekutheni uMoyo nesikwati sakhe se-G40 babalekele kwamanye amazwe.