Arthur Greene
Ukulalelwa kwamacala eNkantolo yoMthethosisekelo ngoLwesine kudingeke ukuthi kuvalwe ngenkathi ummeli uYasmin Omar ebiza oyi-Muslim obambe iqhaza kulolu daba ngokuthi ugqoke “okwe-Ninja”.
Ngaphambi kokuthi kuqale ukuqulwa kwecala, u-Omar, naye okubikwa ukuthi uyi-Muslim, wenze ukuphawula kwe-Islamaphobic enganakile ukuthi bayamuzwa abanye abebekhona.
Ngokubika kwe-The South African, ummeli usevumile ukuthi uphawulile kodwa ugcizelela ukuthi ubekhuluma ngento engahlangene.
Owesifazane obekukhulunywa naye ungummeli uNazreen Bawa SC, kodwa ubengakaqhamuki ukuzokuqinisekisa lokhu.
Esiqeshini sesigameko, owesifazane ogqoke i-hijab emnyama, okuyimpahla yendabuko egqokwa ngabesifazane abangamaSulumane ubonakala ekhoneni elingezansi kwesokudla.
Isihloko sosuku bekuwukuthi ngabe umthetho we-Marriage Act nowe-Divorce Act akuhambisani nomthethosisekelo, ngoba kungenzeka “wehluleke ukwamukela nokulawula imishado yamaSulumane”.
Kodwa-ke, iseshini bekumele imiswe ngemuva kokugqashuka kuka-Omar.
Osabalalise le vidiyo ezinkundleni zokuxhumana ubhale wathi: “Ekuqaleni kokulalelwa kwamacala eNkantolo yoMthethosisekelo, othile uvulelwe umbhobho wokukhuluma ngephutha wenza inkulumo ecwasa amasulumane kummeli oyiSulumane uNazreen Bawa SC. Ngishaqekile impela futhi nginengekile”.
Umthombo wevidiyo: @TanveerJeewa