Sizwe Sibiya
Ngemuva kokushiya uMzansi wayolingisa emdlalweni owuchungechunge wase-Hollywood, i-Underground Railroad, isihlabani saseNingizimu Afrika uThuso Mbedu usewine indondo yesibili yamazwe ngamazwe.
UThuso uthole indondo ka-37 ye-Independent Spirit Award for Best Female Performance ochungechungeni olusha lwe-Scripted Series ngempelasonto e-Santa Monica Pier e-California.
Eqhudelana nezihlabani emkhakheni yemidlalo ewuchungechunge yakumabonakude, uThuso uwine indondo ngendima yakhe ayidlalayo kaCora Randall. Wake waqokwa kwi-Emmy Award ngo-2017 nango-2018 ngokudlala ochungechungeni lomdlalo wakumabonakude wase-Mzansi othi Is’Thunzi.
Ngo-2021, wawina indondo ye-TV Breakout Star kuma-Hollywood Critics Association TV Awards kwathi e-New York wahamba nemiklomelo Yokusebenza Okuvelele ku-New Series kuma-Gotham Awards waminyaka yonke.
Ngemuva kokuqokwa ezindondweni ezimbalwa zemidlalo yakumabonakude ehlukene eNingizimu Afrika, uThuso wathola indondo ye-Best Actress in TV Drama kuma-South African Film and Television Awards ngo-2017.
Yize lesi sihlabani sibungaza ukuwina kwaso okukhulu kuze kube yimanje, usephinde wabamatasa ukulungisa enye ingubo yokuhamba ku-red carpet njengoba eseqokwe emkhakheni we-Best Actress in Limited Series noma we-Movie Made for Television kuma-12th Critics’ Choice Television Awards azoba ngomhlaka-13 kuNdasa.
Umthombo wesithombe: Twitter
.
