Farida Joyce
UCaleb Payne (11), uqophe umlando ngemuva kokuba umlingisi wokuqala wakuleli ukuqokwa kwi-Young Artist Academy Award, edume ngele-“Youth Oscars”.
Lo mlingisi osemncane owazalelwa e-Cape Winelands uqokwe emkhakheni we-Feature Film Artist ngokudlala indawo kaJetmir ongumbaleki wase-Albania kwifilimu ye-Netflix ethi-Good Life.
Ifilimu yenziwa e-Greece naseKapa kanti iqondiswe uBonnie Rodini.
Le filimu imayelana nowesifazane oneminyaka eko-30, okwathi ngemuva kokwephulwa inhliziyo wabaleka wasuka eKapa waya e-Greece.
Lapho wafike waba nobudlelwano obungavamile noJetmir ombonisa ukubaluleka kokuphila impilo ehloniphekile.
Akuyona ifilimu yokuqala kaCaleb. Udlale indawo yomlingisi ohamba phambi kwifilimu ye-Netflix ethi-The Kissing Booth 3.
Engxoxweni abe nayo ne-Young Artist Academy uthe, “Ukwesekwa nobungane yikho okuzohlala kimi kuze kube phakade, ikakhulukazi njengoba yqoshwa ngesikhathi somvalelo onzima maphakathi nobusika ngo-2020.”
Kuyoba nezinkumbulo ezingavamile: “Angisoze ngakhohlwa ngidlala i-squash yesandla no-Sven Ruygrok,” esho, “egunjini elidala le-Castle eKapa.”
Umcimbi wezindondo we-Youth Oscars uzoba e-Los Angeles mhla zimbili kuMfumfu.
Umthombo wesithombe: @TheSouthAfrican