Kamogelo Muvhenzhe
Kushiswe indawo enezithombe zobuciko kumasipala wase-Enoch Mgijima e-Komani, esifundazweni sase-Eastern Cape ngoMsombuluko ebusuku.
Okhulumela umasipala uLonwabo Kowa esitatimendeni uthe abakayazi imbangela yomlilo waphinde wathi umnyango wezomlilo uzokwenza uphenyo ngoLwesibili.
UKowa uthe lesi sakhiwo besingasetshenziswa futhi besingakaze sisetshenziselwe ukuphatha umasipala kusukela ngonyaka wezi-2016 ngesikhathi omasipala i-Tsolwana, i-Inkwanca kanye i-Lukhanyi behlanganiswa ukuze kwakheke umasipala obizwa nge-Enoch Mgijima.
“Abengekho amafayela noma izimpahla ebezingcinwe kulesi sakhiwo kanti umasipala ube nezingxoxo nabangase bafune ukulisebenzisa emphakathini nezinkampani ezizimele.”
Umasipala ubusolwa ngenkohlakalo enkulu ngemuva kokwethulwa kwenkundla okubikwa ukuthi yakhiwe ngezigidi ezi-15 zamarandi.
Oklebe bakuqinisekisile ngesonto eledlule ukuthi baphenya icala ngemuva kwesikhalazo esafakwa mayelana nethenda lezigidi ezi-22 zamarandi eyakhishelwa ukwakha le nsambatheka yenkundla i-Lesseyton Sports Facility.