Sizwe Sibiya
Ngemuva kwamaviki angu-10 kwi-Big Brother house, abahlanu bokugcina abangenele umncintiswano bakhishwe ngamunye kwaze kwasala owokugcina odle umhlanganiso.
UMphowabadimo udle umhlanganiso wesizini yesithathu ye-Big Brother Mzansi.
Isangoma sase-Daveyton (27), ogama lakhe langempela nguMichelle Mavundla, uhlule abangu-17 abebengenele lo mncintiswano ukuze athole u-R2 million.
UMphwabadimo ubesesele noTulz, uLibo, uThemba kanye noGershwin “Gash1” Mthombeni ngosuku lokugcina emncintisanweni obudlala kumabonakude ngeSonto mhla zintathu kuMbasa.
Ngamaphesenti angu-42 wamavoti athunyelwe ngabantu abangaphezu kwabangu-5,500 abavote engosini ye-Big Brother Mzansi, uMphowabadimo ube ngowokuqala wesifazane ukuwina lo mncintiswano eMzansi.
Amavidiyo akhombisa inqwaba yabantu begubha ngaphandle ekhaya lakhe e-Daveyton aqale ukusabalala ezinkundleni zokuxhumana ngemuva nje kokuthi amanyezelwe njengowinile.
Khonamanjalo, lolu hlelo lumemezele engosini yalo ukuthi luzobuya ngesizini yesine ngonyaka ozayo.
Umthombo wesithombe: DStv