Kamogelo Olaitan
IPhini likaNgqongqoshe wezokuThutha, uSindisiwe Chikunga, ushonelwe amalungu omndeni ayisithupha engozini yemoto ngeSonto ebusuku.
Indodana endala kaChikunga, umalokazana kanye nabazukulu abane bashone ngomhlaka-17 kuNtulikazi ngesikhathi imoto abebehamba ngayo ishayisana nenye ku-N11 eMnambithi, KwaZulu-Natal.
Okhulumela uChikunga, uCollen Msibi uziqinisekisile lezi zindaba wathi iPhini likaNgqongqoshe liye eKZN ukuyohlonza izidumbu nokuthi bathole amaqiniso.
Esitatimendeni, uNgqongqoshe wezokuThutha uFikile Mbalula uthe umshayeli wenye imoto ulimale kabi futhi uyelashwa esibhedlela.
“Isigameko esibuhlungu sokushonelwa indodana nomndeni wayo wonke kusishiye sinkemile singakholwa futhi sibuhlungu,” kusho uMbalula.