Lubhalwe nguSelloane Ntshonyane
UFikile Lekhuleni (20) ushicilele indaba yakhe emfushane yokuqala ku-Writingers Space Africa Magazine futhi wabhala incwadi ngesiSwati.
Incwadi yakhe ethi ‘Umbala Welutsandvo’ ixoxa ngezindaba zasebukhosini kanye nokulwela amandla phakathi kwamakhosikazi amabili eNkosi yamaSwati.
Umbhali osemncane waseMpumalanga uzakhela udumo ngokubhala ngamasiko nomlando wamaSwati.
UFikile Lekhuleni, oneminyaka engu-20 nje ubudala, usevele enendaba yakhe yokuqala emfushane, ethi, The Abattoir, eyafakwa kumagazini kaNhlangulana ka-2025 we-Writers Space Africa Magazine, inkundla ehlonishwayo yamazwi amasha ase-Afrika.
Kodwa incwadi yakhe ethi Umbala Welutsandvo, esho Umbala Wothando. Indaba emfushane, ebhalwe ngokuphelele ngesiSwati, yashicilelwa ngoMfumfu ka-2024.
ULekhuleni uthe le ndaba ingomlando waseMatsulu, ubukhosi eMpumalanga ngaphansi kukaMasipala waseMbombela esiFundeni saseHlanzeni.
Lo mbhali osemncane uchaze ukuthi indaba yakhe igxile eNduneni yaseMatsulu ekhona njengamanje, uTikhontele Dlamini, futhi ilandela impilo yabesifazane ababili abagcina bebopheleke empulweni yasebukhosini.
“Udaba lulandela abesifazane ababili: owesifazane ongowokuzalwa ebukhosini owathenjiswa iNkosi kusukela ezalwa, nongazalwa ebukhosini owanqoba umusa weNkosi,” usho kanje.
Kwenzeka lesi sigameko ngesikhathi iNkosi uTikhontele ilahla ingoduso yayo yasebuntwaneni, uLaDlamini, kwaLaNgwabe, kwaqubula uchungechunge lwezigameko ezinyakazisa isigodlo.
“Isinqumo seNkosi uTikhontele sokulahla ingoduso yayo yasebuntwaneni, uLaDlamini, ngenxa kaLaNgwabe, sisuse uxhaxha lwezigameko. Isolwa ngokungakwazi ukuthola abantwana, inkosi iphoqwa umkhandlu wasebukhosini kanye neNdlovukazi uLaMatjeya, ukuthi ithathe unkosikazi wesibili, njengengcindezi yokuthi ikhiphe indlalifa.
“Isimanga ukuthi inkosi yakhetha uLaDlamini owayeyingoduso yakhe ukuthi abe ngumkakhe wesibili.
Umbhalo kaLekhuleni ugxile ezinganekwaneni eziqanjiwe kanye nezinye ze-factasy , ethola ugqozi esikweni laseSwati, izinganekwane zomlando kanye nezindaba zomphakathi zamanje.
Le ntokazi enekhono iveze ukuthi inethemba lokuthi ekugcineni Umbala Welutsandvo uhunyushelwe esiNgisini nakwezinye izilimi zaseNingizimu Afrika ukuze kufinyelelwe abafundi abaningi.
Esithombeni esingenhla: Umbala Welutsandvo.
Umthombo wesithombe: Sithunyelwe