Lubhalwe ngu-Anita Dangazele
- Umfundi wesikole samabanga aphansi i-Tjaart Van Der Walt ulahlekelwe iso ngesikhathi elwa nomunye umfundi.
- Amaphoyisa ahlangane nabazali kanye nothisha bakulesi sikole ngemuva kwemibiko yezimpi zabafundi abaphathelana izikhali.
Ulahlekelwe iso umfundi wesikole samabanga aphansi i-Jaart van der Walt ngesikhathi kuliwa esikoleni eNelson Mandela Bay ngoLwesithathu.
Okhulumela uMnyango wezeMfundo uMalibongwe Mtima uthe iso lomfana likhishwe ngesibhakela ngesikhathi kuliwa.
“Sithe uma siphenya kabanzi, sathola ukuthi la bafundi abayisishiyagalombili bebesongelana futhi bebelwa zonke izinsuku uma bephuma esikoleni,” usho kanje.
Amaphoyisa azohlangana nabafundi, abazali kanye nezikhulu zesikole ngoLwesihlanu ekuseni ukuze kubhekwane nale nkinga.
Lezi zimpi zibandakanya abafundi abenza ibanga lesithupha kanye nelesikhombisa okuthiwa bafika nezikhali esikoleni. Ummese babewuphethe ngoLwesithathu ngesikhathi kuliwa kodwa abawusebenzisanga.
UMtima uthe bakhona nabanye abantu abangaphandle kwesikole ababacathamelayo abafundi uma kuphuma isikole. Amaphoyisa asazama ukubathola laba bahlaseli.
Okhulumela amaphoyisa ukabuteni uSandra Janse van Rensburg ukuqinisekisile ukuthi esikoleni bawabizile amaphoyisa.
Esithombeni esingenhla: Izingane Ezidlala ngaphandle kwesikole samabanga aphansi i-Tjaart Van Der Walt e-Algoa, eGqeberha.
Umthombo Wesithombe : Facebook