Lubhalwe ngumbhali we-Staff
UMengameli wase-Turkey uTayyip Erdogan udle umhlanganiso okhethweni lobuMengameli lwase-Turkey.
“Iwinile i-Turkey,” kusho u-Erdogan osebuse iminyaka engu-20 etshela abalandeli bakhe abebejabule abebebuthene e-Istanbul.
Imiphumela yokugcina esemthethweni ayikakhishwa kodwa njengoba kubikwe amavoti angu-98%, u-Erdogan ubehola imbangi yakhe uKemal Kilicdaroglu okhethweni oluyimpinda ngo-53% kuya ku-47%.
Omunye wabaholi bokuqala abahalalisele u-Erdogan uVladimir Putin wase-Russia.
Yize eyilungu le-Nato, u-Erdogan ugcine izwe lakhe lingahlangene nobudlelwano obuseduze ne-Russia.
Ukhetho belubonwe njengolunye olubaluleke kakhulu e-Turkey kanti abaphikisayo bebekholelwa ekutheni banethuba lokususa u-Erdogan esikhundleni ngemuva kokuthi ukuthandwa kwakhe kuhlaselwe inkinga yezindleko zokuphila.
Ukuwina ukhetho kuzoqinisa isithombe sika-Erdogan sokungahlulwa ngemuva kokuhola izwe labantu abangu-85 million endleleni efanele.
U-Erdogan ongumholi weqembu lamasulumane lezombusazwe i-AK unxuse abavoti ngamazwi ashisekela ubuzwe ngesikhathi kunomkhankaso osuse ukunaka ezinkingeni ezijulile zezomnotho zezwe.
Ukuhlulwa kukaKilicdaroglu othembise ukubeka izwe endleleni yentando yeningi ngeke kwamukelwe kahle ezinhlokodolobha zaseNtshonalanga eziye zashaqeka ngezibopho zika-Erdogan e-Russia.
Esithombeni esingenhla: UMengameli wase-Turkey uTayyip Erdogan ekhuluma nesixuku esikhulu e-Istanbul
Umthombo wesithombe: voanews.com