Umdlali wase-Senegal uKrepin Diatta usole abahleli be-Africa Cup of Nations (Afcon) ngenkohlakalo kulandela ukukhishwa kweqembu lakhe esigabeni sohlu lwamaqembu angu-16 i-Ivory Coast okuyiyona esingathe imidlalo.
Lo mdlalo obungoMsombuluko ebusuku uphele ngamaphenathi ngemuva kokuthi womabili amaqembu ebambene ngo-1-1 emdlalweni.
I-Senegal ebivikela isicoco iyona ebihamba phambili ngemuva kwegoli likaHabib Diallo ngomzuzu wesine.
Nokho i-Ivory Coast ikwazile ukulinganisa sekusele imizuzu emine umdlalo uphele no kuholele ekutheni ziye emaphenathini.
Umzuzu onzima kulo mdlalo ufike ngesikhathi umdlali obeshaya iphenathi yesithathu we-Senegal, uMoussa Niakhate eshaya ipali, okuvumele i-Ivory Coast ukuthi idlulele kuma-quarter final.
Izinsolo zenkohlakalo zikaDiatta zivele esigamekweni esenzeke ngesiwombe sesibili somdlalo.
Kubikwa ukuthi ucasulwe isinqumo esithinta ukushayisana kuka-Odilon Kossounou wase-Ivory Coast no-Ismaila Sarr wase-Senegal ebhokisini, unompempe ukhethe ukungayibuki i-Video Assistant Referee (VAR).
Ngemuva kwalokho i-VAR isetshenzisiwe ukunikeza i-Ivory Coast iphenathi, okuholele kwigoli labo lokulinganisa.
Ngemuva komdlalo, uDiatta uzwakalise ukucasuka kwakhe kwizikhulu, ezisola ngokucekela phansi umqhudelwano nokuba nenkohlakalo, kubika i-Daily Mail.
Kuthiwa uthe: “Nisibulele futhi nikhohlakele salani neNdebe yenu yase-Afrika.”
Luhlanganiswe ngumbhali we-Stuff
Isithombe esingenhla: UKrepin Diatta.
Umthombo wesithombe: X