Dylan Bettencourt
U-Errol Tobias uyise kaSidney Tobias owayengumakhi wedolobha lase-Caledon, eNtshonalanga Kapa waba ngumdlali wokuqala omnyama ukugqoka ijezi lamaBhokobhoko.
Wadlala umdlalo wakhe wokuqala bebhekene ne-Ireland e-Newlands ngonyaka ka-1981.
Ngemuva kokuphumelela kuka-Errol emdlalweni webhola lombhoxo wakuleli uSidney ubenethemba lokulandela ezinyathelweni zikayise.
Lo mdlali oneminyaka engu-33 ubudala akuzange kudingeke ukuthi abhekane nomsebenzi ofanayo nokayise, kodwa ukukhuphuka kwakhe kuma-Blue Bulls kuyinto okumele ibonakale.
Kulandela izikhathi ezimbalwa ehluleka kuleli kanye nase-Italy uSidney wakhetha ukusebenza ngokugcwele wasungula inkampani yakhe yokwakha e-Northam Platinum.
“Impela kunginikeze umbono ohlukile,” esho ngoMsombuluko.
“Ubheka ibhola lombhoxo nempilo ngendlela ehlukile, ikakhulukazi uma usebenza ngokugcwele uhlanganisa izinto eziza kuqala kuwe.”
USidney kudingeke ukuthi ashintshe uhlelo lwakhe ukuze azigcine ekulungele ukudlala ibhola lombhoxo futhi aqhubeke nokuziphilisa.
Lo mdlali webhola lombhoxo ubesebenzela ukuba unjiniyela we-rock okusho ukuthi wayengena ngaphansi komhlaba kathathu ngesonto emayini yase-Zondereinde.
Ngempelasonto uTobias ube nesikhathi somdlalo wombhoxo lapho ebegijima khona eqenjini i-Northam Rhinos esifundeni sase-Limpopo.
“Ngangisebenza kusukela ngehora lesikhombisa ekuseni kuya kwelesine ntambama nsuku zonke okusho ukuthi kwakufanele ngivuke ngo-4.30 ekuseni ngiye ejimini bese ngiphuthuma ngemuva kokusebenza ukuze ngibuye ngiyoziqeqeshela ukuqina ngedwa ngezikhathi zantambama,” kuchaza lo mdlali.
“Kuwumuzwa oyinqaba. Yize ngidlale ibhola lo mbhoxo isikhathi esingcono kakhulu seminyaka emithathu bengingakaze ngizicabange njengomdlali webhola lombhoxo.”
Kodwa ngonyaka odlule iphupho likaSidney lokuba ngumdlali webhola lombhoxo lifezekile ngesikhathi uJake White kanye nama-Blue Bulls befika bengqongqoza emnyango wakhe.
“Ngibusisekile uJake ubezimisele ukubheka abadlali ohlelweni lweqembu futhi abanikeze ithuba. Ngiluthathele phezulu uhambo lwami ngijabulela ithuba engilitholile,” kusho lo mdlali.
USidney udlalela ama-Bulls kwi-United Rugby Championship kanye nama-Blue Bulls kwi-Currie Cup.
Uthe uthemba ukuthi uyise uyaziqhenya ngaye nalokho akuzuze empilweni yakhe hhayi nje njengomdlali webhola lombhoxo.
Umthombo wesithombe: @DiePos