Razeen Gutta
Umdlali wasesiswini wase-Belgium uDivock Origi ube yiqhawe le-Liverpool ngesikhathi eshaya igoli eliwinise iqembu ngo 2-0 ukwengeza irekhodi lakhe elihle ebhekene nezimbangi i-Everton.
Umdlalo phakathi kwamaqembu amabili ahlukaniswe yi-Stanley Park ngamaphuzu uqale ngokushuba e-Anfield, kanti ezibomvu neziluhlaza kowe-Merseyside bezinezifiso ezifanayo.
Umqeqeshi we-Liverpool, uJürgen Klopp, ubukeke evala igebhe ye-Manchester City ephezulu ngephuzu elilodwa, kanti i-Everton kaFrank Lampard ifuna ukuphuma endaweni yezembe empini yabo yokulwela ukusinda.
Yonke le miphumela emithathu ibonakale ingenzeka ngemuva kwehora lokuqala ngaphambi kokuthi kungene u-Origi ofike waguqula izinto ohlangothini lwe-Liverpool.
Lo mdlali (27) udlale i-one-two noMohamed Salah ngaphambi kokuthi lo mdlali wase-Egypt athole u-Andy Robertson ebhokisini wabe esebeka ama-Reds phambili.
I-Liverpool iye yabusa esiwombeni sesibili iqeda umdlalo ino-83% womdlalo, ngesikhathi u-Origi evimba noma yiziphi izimanga ngemizuzu emihlanu ngaphambi kokuthi kuphele umdlalo.
Igoli lomdlali wase-Belgium bekungelesithupha emidlalweni eyisithupha ebhekene ne-Everton, kanye negoli lakhe lesithathu leligi emdlalweni adlale kuwo imizuzu eyikhulu kuphela.
I-Merseyside derby ingeminye yemidlalo elindelwe ngabomvu , futhi njengoba i-Everton ilwela ukucwiywa yizembe, lo mdlalo ungase ube sengcupheni yokudlalwa ngesizini ezayo.
Kodwa-ke uJürgen Klopp, ukholelwa ukuthi izimbangi zabo zisazoqhubeka.
“I-Everton yenze obekufanele ikwenze. Besifanelwe ngamaphuzu amathathu. Ngicabanga ukuthi ngokudlala kanjena bengawathola amaphuzu abawadingayo,” kusho uKlopp ngemuva komdlalo.
Ngokulandelayo i-Liverpool izogxila emdlalweni womlenze wokuqala owandulela owamanqamu we-Uefa Champions League phakathi nesonto ne-Villarreal, ngesikhathi i-Everton iqhubeka nokulwela ukuthola iphuzu ngalinye elinikezwayo ngomdlalo wasekhaya obalulekile ibhekene ne-Chelsea ngempelasonto ezayo.
Umthombo wesithombe: @LFCUSA