Linda Ximba
Kulimale umdansi kaMakhadzi wase-Limpopo ngemuva kokuwa esuka ophahleni ngesikhathi edansa KwaMhlanga eMpumalanga ngempelasonto.
URush Mabanana ucishe waphuka izimbambo walimala nakabi emhlane ngesikhathi edansela ingoma yomculi wase-Limpopo ethi-“Ghanama”.
Lesi sigameko siqoshwe kwividiyo esivele yasabalala ezinkundleni zokuxhumana.
Ngesikhathi le ngoma idlala, uMabanana ukhuphukele ophahleni lwendawo futhi wavusa isasasa phakathi kwezihlwele zabalandeli ngemidanso yakhe yodumo.
Akaqaphelanga nokho, ukuthi uphahla belungazinzile futhi lungakwazi ukuthwala isisindo sakhe. Ngemuva kwemizuzwana nje eqale ukudansa, uphahla lwawa naye uMabanana wawa kabuhlungu phansi.
Abalandeli abebekhathazekile baphuthume bayombheka waphuthunyiswa esibhedlela esiseduzane lapho alashelwe khona ukulimala okuncane emhlane nasemlenzeni.
“Bengizithokozisa futhi isixuku singenze ngaqhubeka. Benginganakile ukuthi uphahla belungaqinile kangako,” kusho lo mdansi etshela i-Scrolla.Africa.
Uthe akazange alimale kabi kulesi sehlakalo, yize ephuthunyiswe esibhedlela ngabalandeli abebekhathazekile.
“Bengikhungathekile ngesikhathi abalandeli bengisiza ngiphuthunyiswa esibhedlela esiseduzane. Ngikhishwe ngosuku okulandelayo,” esho.
Umdansi uthe ngokuzayo uzokwenza ngamandla ukuthi uyaqaphela, noma ngabe udansa esiteji noma kwenye indawo.
UMakhadzi akatholakalanga ukuba aphawule.